اک قیامت بن گئی ہے آشنائی آپ کی — پیر نصیرالدین
شاعر
اک قیامت بن گئی ہے آشنائی آپ کی
اک قیامت بن گئی ہے آشنائی آپ کی
خون کے آنسو رلاتی ہے جدائی آپ کی
در حقیقت آپ ہیں وہ پیکر حسن و جمال
جان سے دل سے ہوئی شیدا خدائی آپ کی
دیکھتے ہی دیکھتے اڑنے لگے حضرت کے ہوش
ہم نے جب تصویر ناصح کو دکھائی آپ کی
سیر کرنے ان کے کوچے میں گئے تھے ایک دن
کچھ خبر اے حضرت دل پھر نہ آئی آپ کی
اور اس بے چارگی کا ہو بھی سکتا کیا علاج
رو دئے ہم دیکھ کر بے اعتنائی آپ کی
ضعف میں چلنا تو کیا اٹھنا بھی تھا اپنا محال
وہ تو بس ہم کو محبت کھینچ لائی آپ کی
فیض پاتا ہے نصیرؔ اس سنگ در سے اک جہاں
کیوں رہے ناکام آخر جبہ سائی آپ کی
Ik qayaamat ban gayi hai aashnayi aap ki
Ik qayaamat ban gayi hai aashnayi aap ki
Khoon ke aansu rulaati hai judaai aap ki
Dar haqeeqat aap hi hain woh paikar-e-husn-o-jamaal
Jaan se dil se huyi shaida khudayi aap ki
Dekhte hi dekhte udne lage hazrat ke hosh
Hum ne jab tasveer-e-naaseh ko dikhayi aap ki
Sair karne un ke kuche mein gaye the ek din
Kuch khabar ae hazrat-e-dil phir na aayi aap ki
Aur is be-chaargi ka ho bhi sakta kya ilaaj
Ro diye hum dekh kar be-etinaayi aap ki
Zauf mein chalna to kya uthna bhi tha apna mahaal
Woh to bas hum ko mohabbat kheench laayi aap ki
Faiz paata hai Naseer is sang-e-dar se ik jahan
Kyun rahe nakaam aakhir jabha saayi aap ki
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں