کاش حاصل مجھے یہ رنگ تماشا ہوتا — پیر نصیرالدین
شاعر
کاش حاصل مجھے یہ رنگ تماشا ہوتا
کاش حاصل مجھے یہ رنگ تماشا ہوتا
روز و شب سامنے تیرا رخ زیبا ہوتا
رونقیں آتیں خوشی ہوتی نکلتے ارماں
تم قدم رکھتے مرے گھر میں تو کیا کیا ہوتا
پھر مجھے عشق میں معذور سمجھتا ناصح
میری آنکھوں سے جو اس نے تجھے دیکھا ہوتا
میہماں ہے کوئی دم کا یہ تمہارا بیمار
تم بھی آ جاتے جو بالیں پہ تو اچھا ہوتا
یوں نہ ٹھکراؤ اگر دے ہی دیا دل تم کو
دل تمہارا جو نہ ہوتا تو یہ کس کا ہوتا
ہر گھڑی اس کی معیت کا تصور ہے نصیرؔ
یہ بھی ہوتا نہ مرے ساتھ تو تنہا ہوتا
Kaash hasil mujhe ye rang tamasha hota
Kaash hasil mujhe ye rang tamasha hota
Roz o shab samne tera rukh-e-zeba hota
Ronaqein aati khushi hoti nikalte armaan
Tum qadam rakhte mere ghar mein to kya kya hota
Phir mujhe ishq mein maazoor samajhta naseh
Meri aankhon se jo us ne tujhe dekha hota
Mehmaan hai koi dam ka ye tumhara beemaar
Tum bhi aa jaate jo baalin pe to achcha hota
Yun na thukrao agar de hi diya dil tum ko
Dil tumhara jo na hota to ye kis ka hota
Har ghadi us ki maiyyat ka tasavvur hai Naseerؔ
Ye bhi hota na mere saath to tanha hota
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں