کس تصور میں وہ کھو جاتے ہیں اٹھتے بیٹھتے — پیر نصیرالدین
شاعر
کس تصور میں وہ کھو جاتے ہیں اٹھتے بیٹھتے
کس تصور میں وہ کھو جاتے ہیں اٹھتے بیٹھتے
اپنے جی میں آپ شرماتے ہیں اٹھتے بیٹھتے
پاس رہ کر جو ستم ڈھاتے ہیں اٹھتے بیٹھتے
جب چلے جائیں تو یاد آتے ہیں اٹھتے بیٹھتے
یوں ہم اپنے دل کو بہلاتے ہیں اٹھتے بیٹھتے
کوئے جاناں تک پہنچ جاتے ہیں اٹھتے بیٹھتے
اب تو وہ رہنے لگے ہر وقت مجھ سے بد گماں
کا برا ان کا جو بھڑکاتے ہیں اٹھتے بیٹھتے
فصل گل کیا آئی ہے دیوار زنداں سے اسیر
رات دن سر اپنا ٹکراتے ہیں اٹھتے بیٹھتے
ہے غنیمت چند لمحوں کے لئے مل بیٹھنا
دوست دنیا میں بچھڑ جاتے ہیں اٹھتے بیٹھتے
کس کو یارائے سخن کس کو مجال گفتگو
آپ جب خنجر ہی لہراتے ہیں اٹھتے بیٹھتے
میرے دل کی الجھنوں کا بھی کبھی کوئی خیال
زلف تو وہ اپنی سلجھاتے ہیں اٹھتے بیٹھتے
چشم حق آگاہ میں کیا قدر و قیمت ان کی ہو
چند سکوں پر جو اتراتے ہیں اٹھتے بیٹھتے
آئینہ ہے اور وہ ہیں اور میرا دل نصیرؔ
ان کی بن آئی ہے تڑپاتے ہیں اٹھتے بیٹھتے
Kis tasawwur mein wo kho jaate hain uthte baithte
Kis tasawwur mein wo kho jaate hain uthte baithte
Apne ji mein aap sharmate hain uthte baithte
Paas rah kar jo sitam dhaate hain uthte baithte
Jab chale jaaein to yaad aate hain uthte baithte
Yun hum apne dil ko behlate hain uthte baithte
Koo-e-jaanaan tak pahunch jaate hain uthte baithte
Ab to wo rehne lage har waqt mujh se bad-gumaan
Ka bura un ka jo bhadkate hain uthte baithte
Fasl-e-gul kya aayi hai deewar-e-zindaan se aseer
Raat din sar apna takraate hain uthte baithte
Hai ghaneemat chand lamhon ke liye mil baithna
Dost duniya mein bichhad jaate hain uthte baithte
Kis ko yaara-e-sukhan kis ko majaal-e-guftugu
Aap jab khanjar hi lehraate hain uthte baithte
Mere dil ki uljhanon ka bhi kabhi koi khayal
Zulf to wo apni suljhaate hain uthte baithte
Chashm-e-haq-aagah mein kya qadr o qeemat un ki ho
Chand sikkon par jo itraate hain uthte baithte
Aaina hai aur wo hain aur mera dil Naseerؔ
Un ki ban aayi hai tadpate hain uthte baithte
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں