نظر میں بھی نہیں اب گھومتا پیمانہ برسوں سے — پیر نصیرالدین
شاعر
نظر میں بھی نہیں اب گھومتا پیمانہ برسوں سے
نظر میں بھی نہیں اب گھومتا پیمانہ برسوں سے
قسم کھانے کو بھی دیکھا نہیں مے خانہ برسوں سے
نہ پینے کو ملی اک گھونٹ بے باکانہ برسوں سے
نہیں اب کار فرما جرأت رندانہ برسوں سے
سر صحرا جدھر دیکھو اداسی ہی اداسی ہے
ادھر آیا نہیں شاید کوئی دیوانہ برسوں سے
کبھی خلوت کبھی جلوت کبھی ہنسنا کبھی رونا
مرتب کر رہے ہیں ہم بھی اک افسانہ برسوں سے
یہ تکلیف قدم بوسی یہ انداز پذیرائی
ہمارا منتظر تھا غالباً ویرانہ برسوں سے
میسر آئی کیا ہم کو گدائی آپ کے در کی
گزرتی ہے ہماری زندگی شاہانہ برسوں سے
وہ اپنی ذات کے صحرا میں شاید تیرا جویا ہے
نظر آیا نہیں احباب کو دیوانہ برسوں سے
نصیرؔ اب اپنی آنکھیں اٹھ نہیں سکتیں کسی جانب
مرے پیش نظر ہے اک تجلی خانہ برسوں سے
Nazar mein bhi nahin ab ghoomta paimana barson se
Nazar mein bhi nahin ab ghoomta paimana barson se
Qasam khane ko bhi dekha nahin mai-khana barson se
Na peene ko mili ik ghoont be-bakana barson se
Nahin ab kar-farma jurrat-e-rindana barson se
Sar-e-sahra jidhar dekho udasi hi udasi hai
Idhar aaya nahin shayad koi deewanah barson se
Kabhi khalwat kabhi jalwat kabhi hansna kabhi rona
Murattab kar rahe hain hum bhi ik afsanah barson se
Ye takleef-e-qadam-bosi ye andaaz-e-pazeerai
Hamara muntazir tha ghaliban veeranah barson se
Muyassar aai kya hum ko gadai aap ke dar ki
Guzarti hai hamari zindagi shahana barson se
Wo apni zaat ke sahra mein shayad tera joya hai
Nazar aaya nahin ahbab ko deewanah barson se
Naseer! ab apni aankhen uth nahin sakteen kisi janib
Mere pesh-e-nazar hai ik tajalli-khanah barson se
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں