ظلم ہم پر ہر آن ہوتے ہیں — پیر نصیرالدین
شاعر
ظلم ہم پر ہر آن ہوتے ہیں
ظلم ہم پر ہر آن ہوتے ہیں
رات دن امتحان ہوتے ہیں
آپ سے کیا کوئی توقع ہو
آپ کب مہربان ہوتے ہیں
حسن کی سادگی کا کیا کہنا
عشق پر سو گمان ہوتے ہیں
کوئی ان کو مٹا نہیں سکتا
غم کے ایسے نشان ہوتے ہیں
ظلم سہتے ہیں کچھ نہیں کہتے
اہل دل بے زبان ہوتے ہیں
دیدہ و دل کی آبرو آنسو
غم کے یہ ترجمان ہوتے ہیں
آپ کو بے وفا کہا کس نے
آپ کیوں بد گمان ہوتے ہیں
برق تنکے وہی جلاتی ہے
جو نشیمن کی جان ہوتے ہیں
اتنا آساں نہیں ہے عشق نصیرؔ
اس میں سو امتحان ہوتے ہیں
Zulm hum par har aan hote hain
Zulm hum par har aan hote hain
Raat din imtehan hote hain
Aap se kya koi tawaqqo ho
Aap kab meherban hote hain
Husn ki saadgi ka kya kehna
Ishq par sau gumaan hote hain
Koi un ko mita nahi sakta
Gham ke aise nishan hote hain
Zulm sehte hain kuch nahi kehte
Ahl-e-dil be-zaban hote hain
Deeda-o-dil ki aabroo aansu
Gham ke yeh tarjuman hote hain
Aap ko bewafa kaha kis ne
Aap kyun bad-gumaan hote hain
Barq tinke wahi jalati hai
Jo nasheman ki jaan hote hain
Itna aasaan nahi hai ishq Naseer
Is mein sau imtehan hote hain
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں