پنجابی شعرا
شاعر
روح دا پھٹ اے کھول کے دسیا نہیں جانا
روح دا پھٹ اے کھول کے دسیا نہیں جانا
پاٹے بُلہاں نال تے ہسیا نہیں جانا
بابل تیری پگ دی لج اے اپنی تھاں
پر اک ڈنگر نال تے وسیا نہیں جانا
سوچاں وچ غلامی اِسراں دھس گئی اے
جندرے ٹُٹ وی گئے تے نسیا نہیں جانا
اوہدے توں ودھ عیب تے میرے اندر نیں
میتھوں اُس تے پتھر کسیا نہیں جانا
نازک پھُلاں دے منہ زخمی کرکے وی
واء تو رنگ اِنہاں دا کھسیا نہیں جانا
علی احمد گجراتی
پنجابی شعرا