پنجابی شعرا
شاعر
تُوں جیون بھر من دی مرضی کیتی اے
تُوں جیون بھر من دی مرضی کیتی اے
میں بس ساہ دی گِنتی پوری کیتی اے
اج لوکاں نے مینوں رج کے سُنیا اے
اج میں ہر گل تیرے ورگی کیتی اے
اوہ کہندی اے تیرے باجھ وی خُوش آں میں
پر جو اوہدی اکھ نے چغلی کیتی اے
اج میں اوہدیاں گالھاں نوں پرتایا نہیں
اج میں اوہدی اینی بِزتی کیتی اے
نہ میں پورا باپو ورگا ہو سکیا
نہ میں پوری بے بے راضی کیتی اے
تینوں اکھ وِچ اکھّاں پا کے ویکھن لئی
میں اپنے نیناں دی راکھی کیتی اے
منیا بھار ونڈا نہیں سکیا ڈھول ظفر
پر جو چندرے آنی جانی کیتی اے
شاعرظفراعوان
پنجابی شعرا