دور تک چھائے تھے بادل اور کہیں سایہ نہ تھا — قتیل شفائی
شاعر
دور تک چھائے تھے بادل اور کہیں سایہ نہ تھا
دور تک چھائے تھے بادل اور کہیں سایہ نہ تھا
اس طرح برسات کا موسم کبھی آیا نہ تھا
سرخ آہن پر ٹپکتی بوند ہے اب ہر خوشی
زندگی نے یوں تو پہلے ہم کو ترسایا نہ تھا
کیا ملا آخر تجھے سایوں کے پیچھے بھاگ کر
اے دل ناداں تجھے کیا ہم نے سمجھایا نہ تھا
اف یہ سناٹا کہ آہٹ تک نہ ہو جس میں مخل
زندگی میں اس قدر ہم نے سکوں پایا نہ تھا
خوب روئے چھپ کے گھر کی چار دیواری میں ہم
حال دل کہنے کے قابل کوئی ہم سایہ نہ تھا
ہو گئے قلاش جب سے آس کی دولت لٹی
پاس اپنے اور تو کوئی بھی سرمایہ نہ تھا
وہ پیمبر ہو کہ عاشق قتل گاہ شوق میں
تاج کانٹوں کا کسے دنیا نے پہنایا نہ تھا
اب کھلا جھونکوں کے پیچھے چل رہی تھیں آندھیاں
اب جو منظر ہے وہ پہلے تو نظر آیا نہ تھا
صرف خوشبو کی کمی تھی غور کے قابل قتیلؔ
ورنہ گلشن میں کوئی بھی پھول مرجھایا نہ تھا
Door tak chhaye the badal aur kahin saaya na tha
Door tak chhaye the badal aur kahin saaya na tha
Is tarah barsaat ka mausam kabhi aaya na tha
Surkh aahan par tapakti boond hai ab har khushi
Zindagi ne yoon to pehle hum ko tarsaya na tha
Kya mila aakhir tujhe saayon ke peeche bhaag kar
Ae dil-e-nadaan tujhe kya hum ne samjhaya na tha
Uff yeh sannata ke aahat tak na ho jis mein mukhal
Zindagi mein is qadar hum ne sukoon paya na tha
Khoob roye chhup ke ghar ki chaar deewari mein hum
Haal-e-dil kehne ke qabil koi humsaaya na tha
Ho gaye qallash jab se aas ki daulat luti
Paas apne aur to koi bhi sarmaya na tha
Woh paighambar ho ke aashiq qatl-gah-e-shauq mein
Taj kaanton ka kise duniya ne pehnaya na tha
Ab khula jhonkon ke peeche chal rahi thin aandhiyan
Ab jo manzar hai woh pehle to nazar aaya na tha
Sirf khushboo ki kami thi gaur ke qabil Qateel
Warna gulshan mein koi bhi phool murjhaya na tha
شاعر کے بارے میں
اردو کے معروف شاعر اور فلمی نغمہ نگار قتیل شفائی، جن کا اصل نام محمد اورنگ زیب تھا، 24 دسمبر 1919ء کو ہری پور، ہزارہ (برٹش انڈیا، موجودہ پاکستان) م...
مکمل تعارف پڑھیں