جو بھی غنچہ ترے ہونٹوں پہ کھلا کرتا ہے — قتیل شفائی
شاعر
جو بھی غنچہ ترے ہونٹوں پہ کھلا کرتا ہے
جو بھی غنچہ ترے ہونٹوں پہ کھلا کرتا ہے
وہ تری تنگئ داماں کا گلا کرتا ہے
دیر سے آج مرا سر ہے ترے زانو پر
یہ وہ رتبہ ہے جو شاہوں کو ملا کرتا ہے
میں تو بیٹھا ہوں دبائے ہوئے طوفانوں کو
تو مرے دل کے دھڑکنے کا گلا کرتا ہے
رات یوں چاند کو دیکھا ہے ندی میں رقصاں
جیسے جھومر ترے ماتھے پہ ہلا کرتا ہے
جب مری سیج پہ ہوتا ہے بہاروں کا نزول
صرف اک پھول کواڑوں میں کھلا کرتا ہے
کون کافر تجھے الزام تغافل دے گا
جو بھی کرتا ہے محبت سے گلا کرتا ہے
لوگ کہتے ہیں جسے نیل کنول وہ تو قتیلؔ
شب کو ان جھیل سی آنکھوں میں کھلا کرتا ہے
Jo bhi ghuncha tere honton pe khula karta hai
Jo bhi ghuncha tere honton pe khula karta hai
Woh teri tangi-e-daaman ka gila karta hai
Der se aaj mera sar hai tere zaanu par
Yeh woh rutba hai jo shahoon ko mila karta hai
Main to baitha hoon dabaye hue toofanon ko
Tu mere dil ke dhadakne ka gila karta hai
Raat yoon chand ko dekha hai nadi mein raqsaan
Jaise jhoomar tere maathe pe hila karta hai
Jab meri sej pe hota hai baharon ka nuzool
Sirf ek phool kawadon mein khula karta hai
Kaun kafir tujhe ilzam-e-taghaful dega
Jo bhi karta hai mohabbat se gila karta hai
Log kehte hain jise neel kanwal woh to Qateel
Shab ko in jheel si aankhon mein khula karta hai
شاعر کے بارے میں
اردو کے معروف شاعر اور فلمی نغمہ نگار قتیل شفائی، جن کا اصل نام محمد اورنگ زیب تھا، 24 دسمبر 1919ء کو ہری پور، ہزارہ (برٹش انڈیا، موجودہ پاکستان) م...
مکمل تعارف پڑھیں