مجھ کو دیکھنے والے تو کس دھیان میں ہے — قتیل شفائی
شاعر
مجھ کو دیکھنے والے تو کس دھیان میں ہے
مجھ کو دیکھنے والے تو کس دھیان میں ہے
آخر کیا مشکل میری پہچان میں ہے
اپنےہجر کے پسِ منظر میں جھانک مجھے
میری سب روداد اِسی عنوان میں ہے
کب سننے دیتی ہے شور سمندر کا
پانی کی اِک بوند جو میرے کان میں ہے
بن سوچے سمجھے تو ثیق نہیں کرتا
کفر وہ شامل جو میرے ایمان میں ہے
ٹانک دو اس میں اِک مصنوعی تتلی بھی
کاغذ کا جو گلدستہ گلدان میں ہے
حجرے میں گر کوئی بات ہوئی تو کیا
تھوڑا ساشیطان تو ہرانسان میں ہے
شوق تو یہ ہے آج کے فاتح کہلائیں
جنگ ابھی تک ماضی کے میدان میں ہے
پچھلی تحریروں کو بھول کے اے شاعر
تیرا نیا قصیدہ کس کی شان میں ہے
جس کے لیے میں غزلیں کہتا رہا قتیل
اُس کا سارا حسن میرے دیوان میں ہے
Mujh ko dekhne wale tu kis dhyaan mein hai
Mujh ko dekhne wale tu kis dhyaan mein hai
Aakhir kya mushkil meri pehchan mein hai
Apne hijr ke pas-e-manzar mein jhaank mujhe
Meri sab roodad is hi unwaan mein hai
Kab sunne deti hai shor samandar ka
Paani ki ik boond jo mere kaan mein hai
Bin soche samjhe tu taseeq nahin karta
Kufr woh shamil jo mere imaan mein hai
Taank do is mein ik masnui titli bhi
Kaghaz ka jo guldasta guldaan mein hai
Hujre mein gar koi baat hui to kya
Thoda sa shaitaan to har insaan mein hai
Shauq to yeh hai aaj ke fateh kehlayein
Jang abhi tak maazi ke maidaan mein hai
Pichhli tehreeron ko bhool ke ae shair
Tera naya qaseeda kis ki shaan mein hai
Jis ke liye main ghazlein kehta raha Qateel
Us ka sara husn mere deewan mein hai
شاعر کے بارے میں
اردو کے معروف شاعر اور فلمی نغمہ نگار قتیل شفائی، جن کا اصل نام محمد اورنگ زیب تھا، 24 دسمبر 1919ء کو ہری پور، ہزارہ (برٹش انڈیا، موجودہ پاکستان) م...
مکمل تعارف پڑھیں