رابطہ لاکھ سہی قافلہ سالار کے ساتھ — قتیل شفائی
شاعر
رابطہ لاکھ سہی قافلہ سالار کے ساتھ
رابطہ لاکھ سہی قافلہ سالار کے ساتھ
ہم کو چلنا ہے مگر وقت کی رفتار کے ساتھ
غم لگے رہتے ہیں ہر آن خوشی کے پیچھے
دشمنی دھوپ کی ہے سایۂ دیوار کے ساتھ
کس طرح اپنی محبت کی میں تکمیل کروں
غم ہستی بھی تو شامل ہے غم یار کے ساتھ
لفظ چنتا ہوں تو مفہوم بدل جاتا ہے
اک نہ اک خوف بھی ہے جرأت اظہار کے ساتھ
دشمنی مجھ سے کئے جا مگر اپنا بن کر
جان لے لے مری صیاد مگر پیار کے ساتھ
دو گھڑی آؤ مل آئیں کسی غالبؔ سے قتیلؔ
حضرت ذوقؔ تو وابستہ ہیں دربار کے ساتھ
Raabta laakh sahi qafla salaar ke saath
Raabta laakh sahi qafla salaar ke saath
Hum ko chalna hai magar waqt ki raftaar ke saath
Gham lage rehte hain har aan khushi ke peeche
Dushmani dhoop ki hai saaya deewar ke saath
Kis tarah apni mohabbat ki main takmeel karun
Gham-e-hasti bhi to shamil hai gham-e-yaar ke saath
Lafz chunta hoon to mafhoom badal jata hai
Ek na ek khauf bhi hai jurrat-e-izhaar ke saath
Dushmani mujh se kiye ja magar apna ban kar
Jaan le le meri sayyad magar pyaar ke saath
Do ghadi aao mil aayen kisi Ghalib se Qateel
Hazrat Zauq to wabasta hain darbar ke saath
شاعر کے بارے میں
اردو کے معروف شاعر اور فلمی نغمہ نگار قتیل شفائی، جن کا اصل نام محمد اورنگ زیب تھا، 24 دسمبر 1919ء کو ہری پور، ہزارہ (برٹش انڈیا، موجودہ پاکستان) م...
مکمل تعارف پڑھیں