غسل آخر نکھر گیا ہوں میں — راجا اکرام قمر
شاعر
غسل آخر نکھر گیا ہوں میں
غسل آخر نکھر گیا ہوں میں
زیب تن کفن کر گیا ہوں میں
تم یقین کیوں نہیں یہ کرلیتے
اس کہانی میں مر گیا ہوں میں
کرچیاں کرچیاں ہیں چاروں طرف
آئینہ تھا بکھر گیا ہوں میں
جب سے نکلا ہوں گھر کے آنگن سے
تب سے ہو دربدر گیا ہوں میں
خوبصورت تھے آئینے کے ادھر
عکس دیکھا تو ڈر گیا ہوں میں
ہو زمیں پر نہ گرچہ رہنے کو
گھر آسمانوں میں کر گیا ہوں میں
تیری یادوں میں ڈوب کر جاناں
بن فلک کا قمر گیا ہوں میں
Ghusl-e-aakhir nikhar gaya hoon main
Ghusl-e-aakhir nikhar gaya hoon main
Zeb-e-tan kafan kar gaya hoon main
Tum yaqeen kyun nahin yeh kar lete
Is kahani mein mar gaya hoon main
Kirchiyaan kirchiyaan hain charon taraf
Aaina tha bikhar gaya hoon main
Jab se nikla hoon ghar ke aangan se
Tab se ho darbadar gaya hoon main
Khoobsurat the aaine ke idhar
Aks dekha to dar gaya hoon main
Ho zameen par na garcha rehne ko
Ghar aasmanon mein kar gaya hoon main
Teri yaadon mein doob kar jaanaan
Ban falak ka Qamar gaya hoon main
شاعر کے بارے میں
راجہ اکرام قمر ڈسٹرکٹ جہلم کی تحصیل سوہاوہ میں چکوال روڈ کے ایک خوبصورت گاؤں میں نمبردار راجہ محمد اکرم خان کے گھر یکم ستمبر 1958 کو پیدا ہوئے ...
مکمل تعارف پڑھیں