اب یاد تری درد کو بہلا نہ سکے گی — ساحر بھوپالی
شاعر
اب یاد تری درد کو بہلا نہ سکے گی
اب یاد تری درد کو بہلا نہ سکے گی
میں چاہوں بھی تو مجھ کو ہنسی آ نہ سکے گی
کچھ کم نہیں اے دوست بھلانے کی مصیبت
مانا کہ مری یاد بھی اب آ نہ سکے گی
بیداد کرم چاہئے ہم سنگ دلوں کو
یہ کم نگہی آپ کی تڑپا نہ سکے گی
بس میرے ہی دم تک ہے یہ ہنگامۂ الفت
پھر گردش عالم اسے دہرا نہ سکے گی
کچھ ضبط و سکوں چاہئے اس راہ میں ساحرؔ
بے تابئ دل حسن کو شرما نہ سکے گی
Ab yaad teri dard ko behla na sakegi
Ab yaad teri dard ko behla na sakegi
Main chahoon bhi to mujh ko hansi aa na sakegi
Kuchh kam nahin aye dost bhulane ki museebat
Mana ke meri yaad bhi ab aa na sakegi
Bedaad-e-karam chahiye hum sang-dilon ko
Yeh kam nigahi aap ki tadpa na sakegi
Bas mere hi dam tak hai yeh hangama-e-ulfat
Phir gardish-e-alam use दोहरा na sakegi
Kuchh zabt-o-sukoon chahiye is raah mein Sahir
Be-tabi-e-dil husn ko sharma na sakegi
شاعر کے بارے میں
ساحر بھوپالی اردو غزل کے اُن شاعروں میں شمار ہوتے ہیں جنہوں نے سادگیِ بیان اور گہرے جذبے کے امتزاج سے اپنی ایک الگ پہچان قائم کی۔ ان کا تعلق تاریخی...
مکمل تعارف پڑھیں