بہت حسین بڑی پر بہار گزری ہے — ساحر بھوپالی
شاعر
بہت حسین بڑی پر بہار گزری ہے
بہت حسین بڑی پر بہار گزری ہے
وہ زندگی جو سر کوئے یار گزری ہے
وہی کہ جو تھی سر بزم غیر کی جانب
وہی نگاہ مرے دل کے پار گزری ہے
نیا شگوفہ ہے کھلنے کو پھر کوئی شاید
چمن سے باد صبا سوگوار گزری ہے
یہ اور بات ہے وہ سہ گیا اسے ورنہ
دل حزیں پہ خرابی ہزار گزری ہے
نہ راز پا سکی پھر بھی غم محبت کا
رہ جنوں سے خرد بار بار گزری ہے
اسی میں ان کی خوشی کا تھا راز پوشیدہ
جو بات مجھ کو بہت ناگوار گزری ہے
کچھ ایسا رنگ جمایا خزاں نے گلشن میں
کہ ڈرتی کانپتی فصل بہار گزری ہے
سمجھ سکے گا وہی میرے غم کو اے ساحرؔ
کہ جس کی زندگی بے اختیار گزری ہے
Bahut haseen bari pur-bahaar guzri hai
Bahut haseen bari pur-bahaar guzri hai
Woh zindagi jo sar-e-koo-e-yaar guzri hai
Wahi ke jo thi sar-e-bazm-e-ghair ki jaanib
Wahi nigaah mere dil ke paar guzri hai
Naya shagoofa hai khulne ko phir koi shaayad
Chaman se baad-e-saba sogwaar guzri hai
Ye aur baat hai woh seh gaya use warna
Dil-e-hazeen pe kharaabi hazaar guzri hai
Na raaz paa saki phir bhi gham-e-mohabbat ka
Reh-e-junoon se khirad baar baar guzri hai
Isi mein un ki khushi ka tha raaz posheeda
Jo baat mujh ko bahut naagwaar guzri hai
Kuchh aisa rang jamaaya khizaan ne gulshan mein
Ke darti kaanpti fasl-e-bahaar guzri hai
Samajh sakega wahi mere gham ko ae Saahir!
Ke jis ki zindagi be-ikhtiyaar guzri hai
شاعر کے بارے میں
ساحر بھوپالی اردو غزل کے اُن شاعروں میں شمار ہوتے ہیں جنہوں نے سادگیِ بیان اور گہرے جذبے کے امتزاج سے اپنی ایک الگ پہچان قائم کی۔ ان کا تعلق تاریخی...
مکمل تعارف پڑھیں