ہے برابر اسے ملا نہ ملا — ساحر بھوپالی
شاعر
ہے برابر اسے ملا نہ ملا
ہے برابر اسے ملا نہ ملا
جس کو جینے کا حوصلہ نہ ملا
آہیں گھٹ گھٹ کے بن گئیں آنسو
جب نکلنے کو راستہ نہ ملا
یوں تو جینے کو جی رہے ہیں ہم
زندگی کا مگر مزہ نہ ملا
خون ہو کر بہا پھر آنکھوں سے
دل کو جب کوئی آسرا نہ ملا
ان کو ڈھونڈوں تو کس امید پہ اب
مجھ کو اپنا ہی جب پتہ نہ ملا
زندگی سے امید کیا رکھوں
موت کا بھی تو آسرا نہ ملا
بوالہوس نے کئے ہزار جتن
پھر بھی قسمت سے کچھ سوا نہ ملا
کون مشکل تھا ان کا وصل مگر
دل ہی قسمت سے کام کا نہ ملا
ان کا غم تو نصیب ہے مجھ کو
عیش کا کیا ملا ملا نہ ملا
کی بہت جستجو مگر ساحرؔ
کوئی بھی درد آشنا نہ ملا
Hai baraabar use mila na mila
Hai baraabar use mila na mila
Jis ko jeene ka hausla na mila
Aahen ghut ghut ke ban gayeen aansoo
Jab nikalne ko raasta na mila
Yun to jeene ko jee rahe hain hum
Zindagi ka magar maza na mila
Khoon ho kar baha phir aankhon se
Dil ko jab koi aasra na mila
Un ko dhoondhoon to kis umeed pe ab
Mujh ko apna hi jab pata na mila
Zindagi se umeed kya rakhoon
Maut ka bhi to aasra na mila
Ba-ul-hawas ne kayi hazaar jatan
Phir bhi qismat se kuchh siwaa na mila
Kaun mushkil tha un ka wasl magar
Dil hi qismat se kaam ka na mila
Un ka gham to naseeb hai mujh ko
Aish ka kya mila, mila na mila
Ki bahut justajoo magar Saahir!
Koi bhi dard-aashna na mila
شاعر کے بارے میں
ساحر بھوپالی اردو غزل کے اُن شاعروں میں شمار ہوتے ہیں جنہوں نے سادگیِ بیان اور گہرے جذبے کے امتزاج سے اپنی ایک الگ پہچان قائم کی۔ ان کا تعلق تاریخی...
مکمل تعارف پڑھیں