جلوہ کرم کا اس نے دکھایا نہیں ہنوز — ساحر بھوپالی
شاعر
جلوہ کرم کا اس نے دکھایا نہیں ہنوز
جلوہ کرم کا اس نے دکھایا نہیں ہنوز
ذرے کو آفتاب بنایا نہیں ہنوز
جو چاہے دیکھ لے تجھے میری نگاہ سے
میں نے تجھے کسی سے چھپایا نہیں ہنوز
مانا کہ التفات فزوں تر ہے آپ کا
دل نے مگر غموں کو بھلایا نہیں ہنوز
الجھا ہوا ہوں آج بھی تیرے خیال سے
دامن کو خار غم سے چھڑایا نہیں ہنوز
مٹ کر بھی دل کو لطف و کرم کی ہے آرزو
گویا صلہ وفاؤں کا پایا نہیں ہنوز
وہ جس پہ آبروئے وفا کا مدار ہے
وہ اشک شوق میں نے بہایا نہیں ہنوز
بے داغ آج بھی ہے جبین نیاز عشق
سر کو کہیں پہ میں نے جھکایا نہیں ہنوز
جس پر ہے انحصار مری موت و زیست کا
میں نے وہ راز تم کو بتایا نہیں ہنوز
ساحرؔ کسی سے ملنے کی حسرت ہو کس لئے
میں نے خود اپنے آپ کو پایا نہیں ہنوز
Jalwa karam ka us ne dikhaya nahin hanooz
Jalwa karam ka us ne dikhaya nahin hanooz
Zarre ko aaftab banaya nahin hanooz
Jo chahe dekh le tujhe meri nigah se
Main ne tujhe kisi se chhupaya nahin hanooz
Mana ke iltifat fuzoon tar hai aap ka
Dil ne magar ghamon ko bhulaya nahin hanooz
Uljha hua hoon aaj bhi tere khayal se
Daman ko khar-e-gham se chhudaya nahin hanooz
Mit kar bhi dil ko lutf-o-karam ki hai aarzoo
Goya sila wafaaon ka paya nahin hanooz
Woh jis pe aabroo-e-wafa ka madar hai
Woh ashk-e-shauq mein ne bahaya nahin hanooz
Be-dagh aaj bhi hai jabeen-e-niyaz-e-ishq
Sar ko kahin pe main ne jhukaya nahin hanooz
Jis par hai inhisar meri maut-o-zeest ka
Main ne woh raaz tum ko bataya nahin hanooz
Sahir, kisi se milne ki hasrat ho kis liye
Main ne khud apne aap ko paya nahin hanooz
شاعر کے بارے میں
ساحر بھوپالی اردو غزل کے اُن شاعروں میں شمار ہوتے ہیں جنہوں نے سادگیِ بیان اور گہرے جذبے کے امتزاج سے اپنی ایک الگ پہچان قائم کی۔ ان کا تعلق تاریخی...
مکمل تعارف پڑھیں