جھلکتا ہے غم میری ہر اک خوشی سے — ساحر بھوپالی
شاعر
جھلکتا ہے غم میری ہر اک خوشی سے
جھلکتا ہے غم میری ہر اک خوشی سے
شکایت ہے مجھ کو تری بے رخی سے
میں اپنے تئیں مر چکا تھا کبھی کا
مگر جی رہا ہوں تمہاری خوشی سے
خوشی میں مزا ہے نہ اب غم میں لذت
یہ کانٹا نکالو دل زندگی سے
وہ اور ہوں گے جن کو ہے چاہت کا ارماں
مجھے پیار ہے آپ کی دشمنی سے
کہاں تک جیوں آسرے پر کرم کے
میں باز آیا بس آپ کی دوستی سے
مٹی ہر طرح جان ساحرؔ کی لیکن
ترا غم نہ بہلا غم زندگی سے
Jhalakta Hai Gham Meri Har Ek Khushi Se
Jhalakta hai gham meri har ek khushi se
Shikayat hai mujh ko teri be-rukhi se
Main apne taiyin mar chuka tha kabhi ka
Magar jee raha hoon tumhari khushi se
Khushi mein maza hai na ab gham mein lazzat
Ye kaanta nikalo dil-e-zindagi se
Woh aur honge jin ko hai chahat ka armaan
Mujhe pyar hai aap ki dushmani se
Kahan tak jiyun aasre par karam ke
Main baaz aaya bas aap ki dosti se
Mitti har tarah jaan Sahir ki lekin
Tera gham na bahla gham-e-zindagi se
شاعر کے بارے میں
ساحر بھوپالی اردو غزل کے اُن شاعروں میں شمار ہوتے ہیں جنہوں نے سادگیِ بیان اور گہرے جذبے کے امتزاج سے اپنی ایک الگ پہچان قائم کی۔ ان کا تعلق تاریخی...
مکمل تعارف پڑھیں