مجھے ملے بھی تو کیوں کر ملے خبر میری — ساحر بھوپالی
شاعر
مجھے ملے بھی تو کیوں کر ملے خبر میری
مجھے ملے بھی تو کیوں کر ملے خبر میری
کہ میں وہاں ہوں جہاں خود نہیں گزر میری
سنبھالنا انہیں آپے کا ہو گیا مشکل
پڑی جب ان پہ محبت بھری نظر میری
نظر ملاتے بھی ڈرتا ہوں اس سے اب کہ کہیں
فغان درد نہ ہو جائے بے اثر میری
کسی کے حسن کے جلوؤں میں کھو گیا ہوں میں
خدا کے واسطے لا دے کوئی خبر میری
نہ جانے کب سے سوئے بام تک رہا تھا میں
وہ آئے سامنے کو جھک گئی نظر میری
مزا تو جب ہے کہ نظروں ہی سے سمجھ لیں وہ
کہ عرض شوق میں ذلت ہے سربسر میری
گزر بھی جائے گزرنا ہے جو بھی اے ساحرؔ
کہ آس توڑی ہے ظالم نے جان کر میری
Mujhe mile bhi to kyun kar mile khabar meri
Mujhe mile bhi to kyun kar mile khabar meri
Ke main wahan hoon jahan khud nahin guzar meri
Sambhalna unhein aape ka ho gaya mushkil
Padi jab un pe mohabbat bhari nazar meri
Nazar milate bhi darta hoon us se ab ke kahin
Fughan-e-dard na ho jaye be-asar meri
Kisi ke husn ke jalwon mein kho gaya hoon main
Khuda ke vaste la de koi khabar meri
Na jaane kab se su-e-baam tak raha tha main
Woh aaye samne ko jhuk gai nazar meri
Maza to jab hai ke nazron hi se samajh lein woh
Ke arz-e-shauq mein zillat hai sar-ba-sar meri
Guzar bhi jaye guzarna hai jo bhi ae Sahir,
Ke aas todi hai zaalim ne jaan kar meri
شاعر کے بارے میں
ساحر بھوپالی اردو غزل کے اُن شاعروں میں شمار ہوتے ہیں جنہوں نے سادگیِ بیان اور گہرے جذبے کے امتزاج سے اپنی ایک الگ پہچان قائم کی۔ ان کا تعلق تاریخی...
مکمل تعارف پڑھیں