وہ تشنگیٔ شوق بجھاتے تو بات تھی — ساحر بھوپالی
شاعر
وہ تشنگیٔ شوق بجھاتے تو بات تھی
وہ تشنگیٔ شوق بجھاتے تو بات تھی
ٹوٹے دلوں کی آس بندھاتے تو بات تھی
چھپ کر تباہیاں مری کیا دیکھتے ہیں آپ
پردہ الٹ کے سامنے آتے تو بات تھی
پامال گر ستم سے کیا بھی تو کیا کیا
لطف و کرم سے مجھ کو مٹاتے تو بات تھی
گر کی نظر نوازی تو کیا جوش حسن کو
اسرار دلنواز سکھاتے تو بات تھی
کر کے تباہ مجھ کو پشیماں ہوئے تو کیا
کچھ دن وہ میرے ناز اٹھاتے تو بات تھی
رخ سے اگر نقاب الٹ بھی دیا تو کیا
ہستی کا میری پردہ اٹھاتے تو بات تھی
کیوں پھونک ڈالا آپ نے بے وجہ طور کو
برق جمال دل پہ گراتے تو بات تھی
شمع امید کس لئے گل کر دی آپ نے
گر مشعل حیات بجھاتے تو بات تھی
بدمست کر کے چھوڑ دیا ہائے کیا کیا
پھر سے وہ مجھ کو ہوش میں لاتے تو بات تھی
ساحرؔ اٹھائے ہاتھ دعا کے لئے تو کیا
گر ہاتھ تم دعا سے اٹھاتے تو بات تھی
Woh tashnagi-e-shauq bujhate to baat thi
Woh tashnagi-e-shauq bujhate to baat thi
Toote dilon ki aas bandhate to baat thi
Chhup kar tabahiyan meri kya dekhte hain aap
Parda ulat ke saamne aate to baat thi
Pamaal gar sitam se kya bhi to kya kiya
Lutf-o-karam se mujh ko mitate to baat thi
Gar ki nazar nawazi to kya josh-e-husn ko
Israr-e-dilnawaz sikhate to baat thi
Kar ke tabah mujh ko pashemaan hue to kya
Kuchh din woh mere naaz uthate to baat thi
Rukh se agar naqab ulat bhi diya to kya
Hasti ka meri parda uthate to baat thi
Kyun phoonk dala aap ne be wajah Toor ko
Barq-e-jamaal dil pe giraate to baat thi
Shama-e-umeed kis liye gul kar di aap ne
Gar mash'al-e-hayat bujhate to baat thi
Badmast kar ke chhod diya haaye kya kya
Phir se woh mujh ko hosh mein laate to baat thi
Sahir uthaye haath dua ke liye to kya
Gar haath tum dua se uthate to baat thi
شاعر کے بارے میں
ساحر بھوپالی اردو غزل کے اُن شاعروں میں شمار ہوتے ہیں جنہوں نے سادگیِ بیان اور گہرے جذبے کے امتزاج سے اپنی ایک الگ پہچان قائم کی۔ ان کا تعلق تاریخی...
مکمل تعارف پڑھیں