سجاد رضا

خود کلامی

یہ دل کےاَندر کی اک صدا ھے
جو اَب کہ لکھوں
تو سارے ظُلمت کے باب لکھوں
گلاب چہروں کی سسکیوں کے
چُھپے ھوئے سب حساب لکھوں
میں اندھے شھروں میں عمر کاٹوں
تو آئینوں کے نصاب لکھوں
لکھوں حقیقت مُحبتوں کی
تو رتجگوں کے عذاب لکھوں
میں کیسے قاتل کو لکھوں غازی
میں قتل کیسے ثواب لکھوں
سفر جو لکھوں میں سوئے منزل
مسافتوں کے سراب لکھوں
سوال کرتی تمام آنکھیں
میرے تعاقب کو بھول جائیں
اے میرے مولا عطا ھو تیری
تو ایسے ایسے جواب لکھوں
میں وہ مُورخ رضا نہی ھوں
جو حاکموں کی زبان بولے
میں آبِ شیریں کہیں جو دیکھوں
نہی ھے ممکن شراب لکھوں

سجاد رضا