دل کے بہلانے کی تدبیر تو ہے — شکیل بدیوانی
شاعر
دل کے بہلانے کی تدبیر تو ہے
دل کے بہلانے کی تدبیر تو ہے
تو نہیں ہے تری تصویر تو ہے
ہم سفر چھوڑ گئے مجھ کو تو کیا
ساتھ میرے مری تقدیر تو ہے
قید سے چھوٹ کے بھی کیا پایا
آج بھی پاؤں میں زنجیر تو ہے
کیا مجال ان کی نہ دیں خط کا جواب
بات کچھ باعث تاخیر تو ہے
پرسش حال کو وہ آ ہی گئے
کچھ بھی ہو عشق میں تاثیر تو ہے
غم کی دنیا رہے آباد شکیلؔ
مفلسی میں کوئی جاگیر تو ہے
Dil Ke Behlane Ki Tadbir To Hai
Dil ke behlane ki tadbir to hai
Tu nahin hai teri tasveer to hai
Hamsafar chhod gaye mujh ko to kya
Saath mere meri taqdir to hai
Qaid se chhoot ke bhi kya paya
Aaj bhi paon mein zanjir to hai
Kya majal un ki na dein khat ka jawab
Baat kuch ba'is-e-takhir to hai
Pursish-e-haal ko wo aa hi gaye
Kuch bhi ho ishq mein ta'sir to hai
Gham ki duniya rahe abad Shakeel
Muflisi mein koi jaagir to hai
شاعر کے بارے میں
شکیل بدایونی اردو شاعری اور بھارتی فلمی نغمہ نگاری کے ان ممتاز ناموں میں شمار ہوتے ہیں جنہوں نے اپنے منفرد اسلوب، رومانویت اور لفظوں کی لطافت سے ای...
مکمل تعارف پڑھیں