مرے ہم نفس مرے ہم نوا مجھے دوست بن کے دغا نہ دے — شکیل بدیوانی
شاعر
مرے ہم نفس مرے ہم نوا مجھے دوست بن کے دغا نہ دے
مرے ہم نفس مرے ہم نوا مجھے دوست بن کے دغا نہ دے
میں ہوں درد عشق سے جاں بہ لب مجھے زندگی کی دعا نہ دے
مرے داغ دل سے ہے روشنی اسی روشنی سے ہے زندگی
مجھے ڈر ہے اے مرے چارہ گر یہ چراغ تو ہی بجھا نہ دے
مجھے چھوڑ دے مرے حال پر ترا کیا بھروسہ ہے چارہ گر
یہ تری نوازش مختصر مرا درد اور بڑھا نہ دے
مرا عزم اتنا بلند ہے کہ پرائے شعلوں کا ڈر نہیں
مجھے خوف آتش گل سے ہے یہ کہیں چمن کو جلا نہ دے
وہ اٹھے ہیں لے کے خم و سبو ارے او شکیلؔ کہاں ہے تو
ترا جام لینے کو بزم میں کوئی اور ہاتھ بڑھا نہ دے
Mere Hamnafas Mere Hamnawa Mujhe Dost Ban Ke Dagha Na De
Mere hamnafas mere hamnawa mujhe dost ban ke dagha na de
Main hun dard-e-ishq se jaan ba lab mujhe zindagi ki dua na de
Mere dagh-e-dil se hai roshni isi roshni se hai zindagi
Mujhe dar hai aye mere charagar ye charagh tu hi bujha na de
Mujhe chhod de mere haal par tera kya bharosa hai charagar
Ye teri nawazish mukhtasar mera dard aur badha na de
Mera azm itna buland hai ke paraye sholon ka dar nahin
Mujhe khauf-e-aatish-e-gul se hai ye kahin chaman ko jala na de
Wo uthe hain le ke khum-o-subu are o Shakeel kahan hai tu
Tera jam lene ko bazm mein koi aur haath badha na de
شاعر کے بارے میں
شکیل بدایونی اردو شاعری اور بھارتی فلمی نغمہ نگاری کے ان ممتاز ناموں میں شمار ہوتے ہیں جنہوں نے اپنے منفرد اسلوب، رومانویت اور لفظوں کی لطافت سے ای...
مکمل تعارف پڑھیں