اب جو لوٹے ہو اتنے سالوں میں — وصی شاہ
شاعر
اب جو لوٹے ہو اتنے سالوں میں
اب جو لوٹے ہو اتنے سالوں میں
دھوپ اتری ہوئی ہے بالوں میں
تم مری آنکھ کے سمندر میں
تم مری روح کے اجالوں میں
پھول ہی پھول کھل اٹھے مجھ میں
کون آیا مرے خیالوں میں
میں نے جی بھر کے تجھ کو دیکھ لیا
تجھ کو الجھا کے کچھ سوالوں میں
میری خوشیوں کی کائنات بھی تو
تو ہی دکھ درد کے حوالوں میں
جب ترا دوستوں میں ذکر آئے
ٹیس اٹھتی ہے دل کے چھالوں میں
تم سے آباد ہے یہ تنہائی
تم ہی روشن ہو گھر کے جالوں میں
سانولی شام کی طرح ہے وہ
وہ نہ گوروں میں ہے نہ کالوں میں
کیا اسے یاد آ رہا ہوں وصیؔ
رنگ ابھرے ہیں اس کے گالوں میں
Ab jo laute ho itne saalon mein
Ab jo laute ho itne saalon mein
Dhoop utri hui hai baalon mein
Tum meri aankh ke samandar mein
Tum meri rooh ke ujalon mein
Phool hi phool khil uthe mujh mein
Kaun aaya mere khayalon mein
Main ne jee bhar ke tujh ko dekh liya
Tujh ko uljha ke kuch sawalon mein
Meri khushiyon ki kayanat bhi to
Tu hi dukh dard ke hawalon mein
Jab tera doston mein zikr aaye
Tees uthti hai dil ke chhalon mein
Tum se abad hai yeh tanhai
Tum hi roshan ho ghar ke jaalon mein
Sanwli shaam ki tarah hai woh
Woh na goron mein hai na kalon mein
Kya usay yaad aa raha hoon Wasi
Rang ubhre hain us ke galon mein
شاعر کے بارے میں
سید وصی شاہ 21 جنوری 1973ء کو سرگودھا، پنجاب، پاکستان میں پیدا ہوئے۔ انہوں نے ابتدائی تعلیم کے بعد بیچلر آف کامرس کی ڈگری حاصل کی۔ نوجوانی میں انہ...
مکمل تعارف پڑھیں