اپنے احساس سے چھو کر مجھے صندل کر دو — وصی شاہ
شاعر
اپنے احساس سے چھو کر مجھے صندل کر دو
اپنے احساس سے چھو کر مجھے صندل کر دو
میں کہ صدیوں سے ادھورا ہوں مکمل کر دو
نہ تمہیں ہوش رہے اور نہ مجھے ہوش رہے
اس قدر ٹوٹ کے چاہو مجھے پاگل کر دو
تم ہتھیلی کو مرے پیار کی مہندی سے رنگو
اپنی آنکھوں میں مرے نام کا کاجل کر دو
اس کے سائے میں مرے خواب دہک اٹھیں گے
میرے چہرے پہ چمکتا ہوا آنچل کر دو
دھوپ ہی دھوپ ہوں میں ٹوٹ کے برسو مجھ پر
اس قدر برسو مری روح میں جل تھل کر دو
جیسے صحراؤں میں ہر شام ہوا چلتی ہے
اس طرح مجھ میں چلو اور مجھے جل تھل کر دو
تم چھپا لو مرا دل اوٹ میں اپنے دل کی
اور مجھے میری نگاہوں سے بھی اوجھل کر دو
مسئلہ ہوں تو نگاہیں نہ چراؤ مجھ سے
اپنی چاہت سے توجہ سے مجھے حل کر دو
اپنے غم سے کہو ہر وقت مرے ساتھ رہے
ایک احسان کرو اس کو مسلسل کر دو
مجھ پہ چھا جاؤ کسی آگ کی صورت جاناں
اور مری ذات کو سوکھا ہوا جنگل کر دو
Apne Ehsaas Se Chhoo Kar Mujhe Sandal Kar Do
Apne ehsaas se chhoo kar mujhe sandal kar do
Main ke sadiyon se adhoora hoon mukammal kar do
Na tumhein hosh rahe aur na mujhe hosh rahe
Is qadar toot ke chaaho mujhe paagal kar do
Tum hatheli ko mere pyaar ki mehndi se rango
Apni aankhon mein mere naam ka kajal kar do
Us ke saaye mein mere khwab dehak uthein ge
Mere chehre pe chamakta hua aanchal kar do
Dhoop hi dhoop hoon main toot ke barso mujh par
Is qadar barso meri rooh mein jal thal kar do
Jaise sehraaon mein har shaam hawa chalti hai
Is tarah mujh mein chalo aur mujhe jal thal kar do
Tum chhupa lo mera dil oat mein apne dil ki
Aur mujhe meri nigaahon se bhi ojhal kar do
Masla hoon to nigaahein na churaao mujh se
Apni chahat se tawajjo se mujhe hal kar do
Apne gham se kaho har waqt mere saath rahe
Ek ehsaan karo is ko musalsal kar do
Mujh pe chhaa jaao kisi aag ki soorat jaanaN
Aur meri zaat ko sookha hua jangal kar do
شاعر کے بارے میں
سید وصی شاہ 21 جنوری 1973ء کو سرگودھا، پنجاب، پاکستان میں پیدا ہوئے۔ انہوں نے ابتدائی تعلیم کے بعد بیچلر آف کامرس کی ڈگری حاصل کی۔ نوجوانی میں انہ...
مکمل تعارف پڑھیں