باندھ لیں ہاتھ پہ سینے پہ سجا لیں تم کو — وصی شاہ
شاعر
باندھ لیں ہاتھ پہ سینے پہ سجا لیں تم کو
باندھ لیں ہاتھ پہ سینے پہ سجا لیں تم کو
جی میں آتا ہے کہ تعویذ بنا لیں تم کو
پھر تمہیں روز سنواریں تمہیں بڑھتا دیکھیں
کیوں نہ آنگن میں چنبیلی سا لگا لیں تم کو
جیسے بالوں میں کوئی پھول چنا کرتا ہے
گھر کے گلدان میں پھولوں سا سجا لیں تم کو
کیا عجب خواہشیں اٹھتی ہیں ہمارے دل میں
کر کے منا سا ہواؤں میں اچھالیں تم کو
اس قدر ٹوٹ کے تم پہ ہمیں پیار آتا ہے
اپنی بانہوں میں بھریں مار ہی ڈالیں تم کو
کبھی خوابوں کی طرح آنکھ کے پردے میں رہو
کبھی خواہش کی طرح دل میں بلا لیں تم کو
ہے تمہارے لیے کچھ ایسی عقیدت دل میں
اپنے ہاتھوں میں دعاؤں سا اٹھا لیں تم کو
جان دینے کی اجازت بھی نہیں دیتے ہو
ورنہ مر جائیں ابھی مر کے منا لیں تم کو
جس طرح رات کے سینے میں ہے مہتاب کا نور
اپنے تاریک مکانوں میں سجا لیں تم کو
اب تو بس ایک ہی خواہش ہے کسی موڑ پر تم
ہم کو بکھرے ہوئے مل جاؤ سنبھالیں تم کو
Baandh Lein Haath Pe Seene Pe Saja Lein Tum Ko
Baandh lein haath pe seene pe saja lein tum ko
Jee mein aata hai ke taweez bana lein tum ko
Phir tumhein roz sanwarein tumhein badhta dekhein
Kyun na aangan mein chambeli sa laga lein tum ko
Jaise baalon mein koi phool chuna karta hai
Ghar ke guldann mein phoolon sa saja lein tum ko
Kya ajab khwahishein uthti hain hamare dil mein
Kar ke mana sa hawaaon mein uchhaalein tum ko
Is qadar toot ke tum pe hamein pyaar aata hai
Apni baahon mein bharein maar hi daalein tum ko
Kabhi khwabon ki tarah aankh ke parde mein raho
Kabhi khwahish ki tarah dil mein bula lein tum ko
Hai tumhare liye kuchh aisi aqeedat dil mein
Apne haathon mein duaaon sa utha lein tum ko
Jaan dene ki ijazat bhi nahin dete ho
Warna mar jaayen abhi mar ke mana lein tum ko
Jis tarah raat ke seene mein hai mahtaab ka noor
Apne tareek makaanon mein saja lein tum ko
Ab to bas ek hi khwahish hai kisi mod par tum
Hum ko bikhre hue mil jaao sambhalein tum ko
شاعر کے بارے میں
سید وصی شاہ 21 جنوری 1973ء کو سرگودھا، پنجاب، پاکستان میں پیدا ہوئے۔ انہوں نے ابتدائی تعلیم کے بعد بیچلر آف کامرس کی ڈگری حاصل کی۔ نوجوانی میں انہ...
مکمل تعارف پڑھیں