دل کی چوکھٹ پہ جو اک دیپ جلا رکھا ہے — وصی شاہ
شاعر
دل کی چوکھٹ پہ جو اک دیپ جلا رکھا ہے
دل کی چوکھٹ پہ جو اک دیپ جلا رکھا ہے
تیرے لوٹ آنے کا امکان سجا رکھا ہے
سانس تک بھی نہیں لیتے ہیں تجھے سوچتے وقت
ہم نے اس کام کو بھی کل پہ اٹھا رکھا ہے
روٹھ جاتے ہو تو کچھ اور حسیں لگتے ہو
ہم نے یہ سوچ کے ہی تم کو خفا رکھا ہے
تم جسے روتا ہوا چھوڑ گئے تھے اک دن
ہم نے اس شام کو سینے سے لگا رکھا ہے
چین لینے نہیں دیتا یہ کسی طور مجھے
تیری یادوں نے جو طوفان اٹھا رکھا ہے
جانے والے نے کہا تھا کہ وہ لوٹے گا ضرور
اک اسی آس پہ دروازہ کھلا رکھا ہے
تیرے جانے سے جو اک دھول اٹھی تھی غم کی
ہم نے اس دھول کو آنکھوں میں بسا رکھا ہے
مجھ کو کل شام سے وہ یاد بہت آنے لگا
دل نے مدت سے جو اک شخص بھلا رکھا ہے
آخری بار جو آیا تھا مرے نام وصیؔ
میں نے اس خط کو کلیجے سے لگا رکھا ہے
Dil Ki Chaukhat Pe Jo Ik Deep Jala Rakha Hai
Dil ki chaukhat pe jo ik deep jala rakha hai
Tere laut aane ka imkaan saja rakha hai
Saans tak bhi nahin lete hain tujhe sochte waqt
Hum ne is kaam ko bhi kal pe utha rakha hai
Rooth jaate ho to kuchh aur haseen lagte ho
Hum ne yeh soch ke hi tum ko khafa rakha hai
Tum jisay rota hua chhod gaye the ik din
Hum ne is shaam ko seene se laga rakha hai
Chain lene nahin deta yeh kisi taur mujhe
Teri yaadon ne jo toofaan utha rakha hai
Jaane wale ne kaha tha ke woh lautega zaroor
Ik isi aas pe darwaza khula rakha hai
Tere jaane se jo ik dhool uthi thi gham ki
Hum ne is dhool ko aankhon mein basa rakha hai
Mujh ko kal shaam se woh yaad bahut aane laga
Dil ne muddat se jo ik shakhs bhula rakha hai
Aakhiri baar jo aaya tha mere naam Wasi
Main ne is khat ko kaleje se laga rakha hai
شاعر کے بارے میں
سید وصی شاہ 21 جنوری 1973ء کو سرگودھا، پنجاب، پاکستان میں پیدا ہوئے۔ انہوں نے ابتدائی تعلیم کے بعد بیچلر آف کامرس کی ڈگری حاصل کی۔ نوجوانی میں انہ...
مکمل تعارف پڑھیں