زین شکیل
شاعر
تیرے پہلو میں شام کرتا ہوں
تیرے پہلو میں شام کرتا ہوں
رات کا اہتمام کرتا ہوں
مانتا ہوں میں ہجر کو مرشد
ہجر کا احترام کرتا ہوں
اک تجھے یاد پھرتری باتیں
بس یہی ایک کام کرتا ہوں
مور کے پنکھ ہیں کتابوں میں
حسن کا احترام کرتا ہوں
یار بدلے ہوئے ہیں سو میں بھی
دور سے ہی سلام کرتا ہوں
لفظ ہونٹوں پہ آ نہیں پاتے
جب بھی تم سے کلام کرتا ہوں
ہے محبت مجھے پرندوں سے
زین میں نیک کام کرتا ہوں
زین شکیل