بیٹھے بیٹھے کیسا دل گھبرا جاتا ہے — زہرا نگاہ
شاعر
بیٹھے بیٹھے کیسا دل گھبرا جاتا ہے
بیٹھے بیٹھے کیسا دل گھبرا جاتا ہے
جانے والوں کا جانا یاد آ جاتا ہے
بات چیت میں جس کی روانی مثل ہوئی
ایک نام لیتے میں کچھ رک سا جاتا ہے
ہنستی بستی راہوں کا خوش باش مسافر
روزی کی بھٹی کا ایندھن بن جاتا ہے
دفتر منصب دونوں ذہن کو کھا لیتے ہیں
گھر والوں کی قسمت میں تن رہ جاتا ہے
اب اس گھر کی آبادی مہمانوں پر ہے
کوئی آ جائے تو وقت گزر جاتا ہے
Baithe baithe kaisa dil ghabra jata hai
Baithe baithe kaisa dil ghabra jata hai
Jaane walon ka jaana yaad aa jata hai
Baat cheet mein jis ki rawani misl hui
Ek naam lete mein kuch ruk sa jata hai
Hansti basti raahon ka khush baash musafir
Rozi ki bhatti ka indhan ban jata hai
Daftar mansab dono zehen ko kha lete hain
Ghar walon ki qismat mein tan reh jata hai
Ab is ghar ki aabadi mehmanon par hai
Koi aa jaye to waqt guzar jata hai
شاعر کے بارے میں
زہرا نگاہ اردو کی ممتاز اور باوقار شاعرہ ہیں۔ ان کا اصل نام فاطمہ زہرہ ہے اور وہ 14 مئی 1936ء کو حیدرآباد دکن (برطانوی ہندوستان) میں ایک علمی و ادب...
مکمل تعارف پڑھیں