دیر تک روشنی رہی کل رات — زہرا نگاہ
شاعر
دیر تک روشنی رہی کل رات
دیر تک روشنی رہی کل رات
میں نے اوڑھی تھی چاندنی کل رات
ایک مدت کے بعد دھند چھٹی
دل نے اپنی کہی سنی کل رات
انگلیاں آسمان چھوتی تھیں
ہاں مری دسترس میں تھی کل رات
اٹھتا جاتا تھا پردۂ نسیاں
ایک اک بات یاد تھی کل رات
طاق دل پہ تھی گھنگھروؤں کی صدا
اک جھڑی سی لگی رہی کل رات
جگنوؤں کے سے لمحے اڑتے تھے
میری مٹھی میں آ گئی کل رات
Der tak roshni rahi kal raat
Der tak roshni rahi kal raat
Main ne odhi thi chandni kal raat
Ek muddat ke baad dhund chhuti
Dil ne apni kahi suni kal raat
Ungliyan aasman chhooti thin
Haan meri dastaras mein thi kal raat
Uthta jaata tha parda-e-nisyaan
Ek ek baat yaad thi kal raat
Taaq-e-dil pe thi ghungro'on ki sada
Ek jhadi si lagi rahi kal raat
Jugnu'on ke se lamhe udte the
Meri mutthi mein aa gayi kal raat
شاعر کے بارے میں
زہرا نگاہ اردو کی ممتاز اور باوقار شاعرہ ہیں۔ ان کا اصل نام فاطمہ زہرہ ہے اور وہ 14 مئی 1936ء کو حیدرآباد دکن (برطانوی ہندوستان) میں ایک علمی و ادب...
مکمل تعارف پڑھیں