ہر آن ستم ڈھائے ہے کیا جانیے کیا ہو — زہرا نگاہ
شاعر
ہر آن ستم ڈھائے ہے کیا جانیے کیا ہو
ہر آن ستم ڈھائے ہے کیا جانیے کیا ہو
دل غم سے بھی گھبرائے ہے کیا جانیے کیا ہو
کیا غیر کو ڈھونڈیں کہ ترے کوچے میں ہر ایک
اپنا سا نظر آئے ہے کیا جانیے کیا ہو
آنکھوں کو نہیں راس کسی یاد کا آنسو
تھم تھم کے ڈھلک جائے ہے کیا جانیے کیا ہو
اس بحر میں ہم جیسوں پہ ہر موجۂ پر خوں
آ آ کے گزر جائے ہے کیا جانیے کیا ہو
دنیا سے نرالے ہیں تری بزم کے دستور
جو آئے سو پچھتائے ہے کیا جانیے کیا ہو
Har aan sitam dhaaye hai kya jaaniye kya ho
Har aan sitam dhaaye hai kya jaaniye kya ho
Dil gham se bhi ghabraaye hai kya jaaniye kya ho
Kya ghair ko dhoondhein ke tere kuche mein har ek
Apna sa nazar aaye hai kya jaaniye kya ho
Aankhon ko nahin raas kisi yaad ka aansoo
Tham tham ke dhalak jaaye hai kya jaaniye kya ho
Is bahr mein hum jaison pe har Maujؔ pur-khoon
Aa aa ke guzar jaaye hai kya jaaniye kya ho
Duniya se nirale hain teri bazm ke dastoor
Jo aaye so pachhtaye hai kya jaaniye kya ho
شاعر کے بارے میں
زہرا نگاہ اردو کی ممتاز اور باوقار شاعرہ ہیں۔ ان کا اصل نام فاطمہ زہرہ ہے اور وہ 14 مئی 1936ء کو حیدرآباد دکن (برطانوی ہندوستان) میں ایک علمی و ادب...
مکمل تعارف پڑھیں