قربتوں سے کب تلک اپنے کو بہلائیں گے ہم — زہرا نگاہ
شاعر
قربتوں سے کب تلک اپنے کو بہلائیں گے ہم
قربتوں سے کب تلک اپنے کو بہلائیں گے ہم
ڈوریاں مضبوط ہوں گی چھٹتے جائیں گے ہم
تیرا رخ سائے کی جانب میری آنکھیں سوئے مہر
دیکھنا ہے کس جگہ کس وقت مل پائیں گے ہم
گھر کے سارے پھول ہنگاموں کی رونق ہو گئے
خالی گلدانوں سے باتیں کرکے سو جائیں گے ہم
ادھ کھلی تکیے پہ ہوگی علم و حکمت کی کتاب
وسوسوں وہموں کے طوفانوں میں گھر جائیں گے ہم
اس نے آہستہ سے زہراؔ کہہ دیا دل کھل اٹھا
آج سے اس نام کی خوشبو میں بس جائیں گے ہم
Qurbaton se kab talak apne ko behlaayenge hum
Qurbaton se kab talak apne ko behlaayenge hum
Dooriyan mazboot hongi chhutte jaayenge hum
Tera rukh saaye ki jaanib meri aankhein suye mehr
Dekhna hai kis jagah kis waqt mil paayenge hum
Ghar ke saare phool hangamon ki ronaq ho gaye
Khaali guldano se baatein kar ke so jaayenge hum
Adh khuli takiye pe hogi ilm-o-hikmat ki kitaab
Waswason wahmon ke toofanon mein ghir jaayenge hum
Us ne aahista se Zahra' keh diya dil khul utha
Aaj se us naam ki khushboo mein bas jaayenge hum
شاعر کے بارے میں
زہرا نگاہ اردو کی ممتاز اور باوقار شاعرہ ہیں۔ ان کا اصل نام فاطمہ زہرہ ہے اور وہ 14 مئی 1936ء کو حیدرآباد دکن (برطانوی ہندوستان) میں ایک علمی و ادب...
مکمل تعارف پڑھیں