یوں کہنے کو پیرایۂ اظہار بہت ہے — زہرا نگاہ
شاعر
یوں کہنے کو پیرایۂ اظہار بہت ہے
یوں کہنے کو پیرایۂ اظہار بہت ہے
یہ دل دل ناداں سہی خوددار بہت ہے
دیوانوں کو اب وسعت صحرا نہیں درکار
وحشت کے لیے سایۂ دیوار بہت ہے
بجتا ہے گلی کوچوں میں نقارۂ الزام
ملزم کہ خموشی کا وفادار بہت ہے
جب حسن تکلم پہ کڑا وقت پڑے تو
اور کچھ بھی نہ باقی ہو تو تکرار بہت ہے
خود آئینہ گر آئینہ چھوڑے تو نظر آئے
دہکا ہوا ہر شعلۂ رخسار بہت ہے
منصف کے لیے اذن سماعت پہ ہیں پہرے
اور عدل کی زنجیر میں جھنکار بہت ہے
Yun kehne ko pairaaya-e-izhaar bohot hai
Yun kehne ko pairaaya-e-izhaar bohot hai
Ye dil dil-e-naadaan sahi khud-daar bohot hai
Deewanon ko ab wusat-e-sahra nahin darkaar
Wahshat ke liye saaya-e-deewar bohot hai
Bajta hai gali koochon mein naqqara-e-ilzaam
Mulzim ke khamoshi ka wafadaar bohot hai
Jab husn-e-takallum pe kada waqt pade toh
Aur kuchh bhi na baqi ho toh takraar bohot hai
Khud aaina gar aaina chhore toh nazar aaye
Dehka hua har shola-e-rukhsaar bohot hai
Munsif ke liye izn-e-sama'at pe hain pehre
Aur adl ki zanjeer mein jhankaar bohot hai
شاعر کے بارے میں
زہرا نگاہ اردو کی ممتاز اور باوقار شاعرہ ہیں۔ ان کا اصل نام فاطمہ زہرہ ہے اور وہ 14 مئی 1936ء کو حیدرآباد دکن (برطانوی ہندوستان) میں ایک علمی و ادب...
مکمل تعارف پڑھیں