غیر لیں محفل میں بوسے جام کے — آواز: حماد ابراہیم | شاعر: مرزا غالب
مقرر / سپیکر
غیر لیں محفل میں بوسے جام کے
غیر لیں محفل میں بوسے جام کے
ہم رہیں یوں تشنہ لب پیغام کے
خستگی کا تم سے کیا شکوہ کہ یہ
ہتکھنڈے ہیں چرخ نیلی فام کے
خط لکھیں گے گرچہ مطلب کچھ نہ ہو
ہم تو عاشق ہیں تمہارے نام کے
رات پی زمزم پہ مے اور صبح دم
دھوئے دھبے جامۂ احرام کے
دل کو آنکھوں نے پھنسایا کیا مگر
یہ بھی حلقے ہیں تمہارے دام کے
شاہ کے ہے غسل صحت کی خبر
دیکھیے کب دن پھریں حمام کے
عشق نے غالبؔ نکما کر دیا
ورنہ ہم بھی آدمی تھے کام کے
شاعر: مرزا غالب
آواز: حماد ابراہیم
Ghair lein mahfil mein bose jaam ke
Ghair lein mahfil mein bose jaam ke
Ham rahein yun tishna-lab paigham ke
Khastagi ka tum se kya shikwa ke ye
Hatkhande hain charkh-e-neeli-faam ke
Khat likhein ge garche matlab kuch na ho
Ham to aashiq hain tumhare naam ke
Raat pi zamzam pe may aur subh dam
Dho'e dhabbe jama-e-ehram ke
Dil ko aankhon ne phansaya kya magar
Ye bhi halqe hain tumhare daam ke
Shah ke hai ghusl-e-sehhat ki khabar
Dekhiye kab din phirein hammaam ke
Ishq ne Ghalib nikamma kar diya
Warnah hum bhi aadmi the kaam ke