اب بھلا چھوڑ کے گھر کیا کرتے — آواز: انتظار حسین | شاعر: پروین شاکر
مقرر / سپیکر
اب بھلا چھوڑ کے گھر کیا کرتے
اب بھلا چھوڑ کے گھر کیا کرتے
شام کے وقت سفر کیا کرتے
تیری مصروفیتیں جانتے ہیں
اپنے آنے کی خبر کیا کرتے
جب ستارے ہی نہیں مل پائے
لے کے ہم شمس و قمر کیا کرتے
وہ مسافر ہی کھلی دھوپ کا تھا
سائے پھیلا کے شجر کیا کرتے
خاک ہی اول و آخر ٹھہری
کر کے ذرے کو گہر کیا کرتے
رائے پہلے سے بنا لی تو نے
دل میں اب ہم ترے گھر کیا کرتے
عشق نے سارے سلیقے بخشے
حسن سے کسب ہنر کیا کرتے
شاعر: پروین شاکر
آواز: انتظار حسین
Ab bhala chhod ke ghar kya karte
Ab bhala chhod ke ghar kya karte
Shaam ke waqt safar kya karte
Teri masroofiyatein jaante hain
Apne aane ki khabar kya karte
Jab sitaare hi nahin mil paaye
Le ke hum shams-o-qamar kya karte
Woh musafir hi khuli dhoop ka tha
Saaye phaila ke shajar kya karte
Khaak hi awwal-o-aakhir thehri
Kar ke zarre ko gohar kya karte
Raaye pehle se bana li tu ne
Dil mein ab hum tere ghar kya karte
Ishq ne saare saleeqe bakhshe
Husn se kasb-e-hunar kya karte