ہم کامیاب ہو کے بھی ناکام رہ گئے — آواز: انتظار حسین | شاعر: باصر سلطان کاظمی
مقرر / سپیکر
ہم کامیاب ہو کے بھی ناکام رہ گئے
ہم کامیاب ہو کے بھی ناکام رہ گئے
اظہار کچھ ہوا بھی تو ابہام رہ گئے
آزاد ہو کے جوں ہی کھلے میرے بال و پر
مجھ پر کھلا کہ پاؤں تہ دام رہ گئے
میں دے سکا نہ ان کو کسی تجربے کی آنچ
افسوس کچھ خیال مرے خام رہ گئے
کرتی رہی زباں مری بے دست و پا مجھے
باتوں میں عمر بیت گئی کام رہ گئے
میں راہ دیکھتا رہا یاروں کی صبح تک
باصرؔ بھرے بھرائے مرے جام رہ گئے
شاعر: باصر سلطان کاظمی
آواز: انتظار حسین
Hum kamyab ho ke bhi nakaam rah gaye
Hum kamyab ho ke bhi nakaam rah gaye
Izhar kuchh hua bhi to ibhaam rah gaye
Aazad ho ke joon hi khule mere baal o par
Mujh par khula ke paaon teh-e daam rah gaye
Main de saka na un ko kisi tajrube ki aanch
Afsoos kuchh khayal mere khaam rah gaye
Karti rahi zaban meri be-dast o pa mujhe
Baaton mein umr beet gayi kaam rah gaye
Main raah dekhta raha yaaron ki subh tak
Basir bhare bharaye mere jaam rah gaye