کیسے بجھتا بھلا چراغ مرا — آواز: انتظار حسین | شاعر: دلاور علی آزر
مقرر / سپیکر
کیسے بجھتا بھلا چراغ مرا
کیسے بجھتا بھلا چراغ مرا
دل نے روشن رکھا دماغ مرا
اب مجھے علم ہے کہ میں کیا ہوں
اب چھلکتا نہیں ایاغ مرا
آ رہی ہے ہوا کسے چھو کر
آج صحرا ہے باغ باغ مرا
ہاتھ شاید تمھارے آ جائے
مجھ کو حاصل کہاں فراغ مرا
چاروں اطراف تھی ہوا کی فصیل
کس نے گل کر دیا چراغ مرا
ایسا الجھا ہے مجھ سے تار خرد
کام کرتا نہیں دماغ مرا
گم ہوں میں اپنی ذات میں آزرؔ
کیا لگے وقت کو سراغ مرا
شاعر: دلاور علی آزر
آواز: انتظار حسین
Kaise bujhta bhala charagh mera
Kaise bujhta bhala charagh mera
Dil ne roshan rakha dimagh mera
Ab mujhe ilm hai ke main kya hoon
Ab chhalkata nahin ayagh mera
Aa rahi hai hawa kise chhoo kar
Aaj sehra hai baagh baagh mera
Haath shayad tumhare aa jaaye
Mujh ko hasil kahan faragh mera
Charon atraaf thi hawa ki faseel
Kis ne gul kar diya charagh mera
Aisa uljha hai mujh se taar-e-khirad
Kaam karta nahin dimagh mera
Gum hoon main apni zaat mein Azar
Kya lage waqt ko suragh mera