مرا قلم مرے جذبات مانگنے والے — آواز: انتظار حسین | شاعر: ظفرگورکھپوری
مقرر / سپیکر
مرا قلم مرے جذبات مانگنے والے
مرا قلم مرے جذبات مانگنے والے
مجھے نہ مانگ مرا ہاتھ مانگنے والے
یہ لوگ کیسے اچانک امیر بن بیٹھے
یہ سب تھے بھیک مرے ساتھ مانگنے والے
تمام گاؤں ترے بھولپن پہ ہنستا ہے
دھوئیں کے ابر سے برسات مانگنے والے
نہیں ہے سہل اسے کاٹ لینا آنکھوں میں
کچھ اور مانگ مری رات مانگنے والے
کبھی بسنت میں پیاسی جڑوں کی چیخ بھی سن
لٹے شجر سے ہرے پات مانگنے والے
تو اپنے دشت میں پیاسا مرے تو بہتر ہے
سمندروں سے عنایات مانگنے والے
شاعر: ظفرگورکھپوری
آواز: انتظار حسین
Mera qalam mere jazbaat maangne wale
Mera qalam mere jazbaat maangne wale
Mujhe na maang mera haath maangne wale
Yeh log kaise achanak ameer ban baithe
Yeh sab the bheek mere saath maangne wale
Tamaam gaon tere bholapan pe hansta hai
Dhuen ke abr se barsaat maangne wale
Nahin hai sehal use kaat lena aankhon mein
Kuch aur maang meri raat maangne wale
Kabhi basant mein pyasi jadon ki cheekh bhi sun
Lute shajar se hare paat maangne wale
Tu apne dasht mein pyasa mare to behtar hai
Samundaron se inayat maangne wale