مجھے شاد رکھنا کہ ناشاد رکھنا — آواز: انتظار حسین | شاعر: حفیظ جالندھری
مقرر / سپیکر
مجھے شاد رکھنا کہ ناشاد رکھنا
مجھے شاد رکھنا کہ ناشاد رکھنا
مرے دیدہ و دل کو آباد رکھنا
بھلائی نہیں جا سکیں گی یہ باتیں
تمہیں یاد آئیں گے ہم یاد رکھنا
وہ ناشاد و برباد رکھتے ہیں مجھ کو
الٰہی انہیں شاد و آباد رکھنا
تمہیں بھی قسم ہے کہ جو سر جھکا دے
اسی کو تہ تیغ بیداد رکھنا
ملیں گے تمہیں راہ میں بت کدے بھی
ذرا اپنے اللہ کو یاد رکھنا
جہاں بھی نشے میں قدم لڑکھڑائیں
وہیں ایک مسجد کی بنیاد رکھنا
ستاروں پہ چلتے ہوئے ابن آدم
نظر میں فرشتوں کی افتاد رکھنا
حفیظؔ اپنے افکار کی سادگی کو
تکلف کی الجھن سے آزاد رکھنا
شاعر: حفیظ جالندھری
آواز: انتظار حسین
Mujhe shaad rakhna ke nashad rakhna
Mujhe shaad rakhna ke nashad rakhna
Mere deeda-o-dil ko aabad rakhna
Bhalai nahin ja saken gi yeh baten
Tumhein yaad aayenge hum yaad rakhna
Woh nashad o barbad rakhte hain mujh ko
Ilahi unhein shaad o aabad rakhna
Tumhein bhi qasam hai ke jo sar jhuka de
Usi ko teh-e-tegh-e-bedad rakhna
Milenge tumhein rah mein but-kade bhi
Zara apne Allah ko yaad rakhna
Jahan bhi nashe mein qadam ladkhadain
Wahin ek masjid ki bunyad rakhna
Sitaron pe chalte hue ibn-e-Aadam
Nazar mein farishton ki iftad rakhna
Hafeez apne afkar ki saadgi ko
Takalluf ki uljhan se azad rakhna