حقیقتوں کو فسانہ بنا کے بھول گیا — آواز: ندیم بخاری | شاعر: جمیل الدین عالی
مقرر / سپیکر
حقیقتوں کو فسانہ بنا کے بھول گیا
حقیقتوں کو فسانہ بنا کے بھول گیا
میں تیرے عشق کی ہر چوٹ کھا کے بھول گیا
ذرا یہ دورئ احساس حسن و عشق تو دیکھ
کہ میں تجھے ترے نزدیک آ کے بھول گیا
اب اس سے بڑھ کے بھی وارفتگئ دل کیا ہو
کہ تجھ کو زیست کا حاصل بنا کے بھول گیا
گمان جس پہ رہا منزلوں کا اک مدت
وہ رہ گزار بھی منزل میں آ کے بھول گیا
اب ایسی حیرت و وارفتگی کو کیا کہیے
دعا کو ہاتھ اٹھائے اٹھا کے بھول گیا
دل و جگر ہیں کہ گرمی سے پگھلے جاتے ہیں
کوئی چراغ تمنا جلا کے بھول گیا
شاعر: جمیل الدین عالی
آواز: ندیم بخاری
Haqeeqaton ko afsana bana ke bhool gaya
Haqeeqaton ko afsana bana ke bhool gaya
Main tere ishq ki har chot kha ke bhool gaya
Zara yeh doori-e-ehsaas-e-husn-o-ishq toh dekh
Ke main tujhe tere nazdeek aa ke bhool gaya
Ab is se badh ke bhi waarfatgi-e-dil kya ho
Ke tujh ko zeest ka hasil bana ke bhool gaya
Gumaan jis pe raha manzilon ka ik muddat
Woh rehguzar bhi manzil mein aa ke bhool gaya
Ab aisi hairat o waarfatgi ko kya kahiye
Dua ko haath uthaye utha ke bhool gaya
Dil o jigar hain ke garmi se pighle jaate hain
Koyi chiragh-e-tamanna jala ke bhool gaya