کبھی سحر تو کبھی شام لے گیا مجھ سے — آواز: ندیم بخاری | شاعر: فرحت عباس شاہ
مقرر / سپیکر
کبھی سحر تو کبھی شام لے گیا مجھ سے
کبھی سحر تو کبھی شام لے گیا مجھ سے
تمہارا درد کئی کام لے گیا مجھ سے
مجھے خبر نہ ہوئی اور زمانہ جاتے ہوئے
نظر بچا کے ترا نام لے گیا مجھ سے
اسے زیادہ ضرورت تھی گھر بسانے کی
وہ آ کے میرے در و بام لے گیا مجھ سے
بھلا کہاں کوئی جز اس کے ملنے والا تھا
بس ایک جرأت ناکام لے گیا مجھ سے
بس ایک لمحے کے سچ جھوٹ کے عوض فرحتؔ
تمام عمر کا الزام لے گیا مجھ سے
شاعر: فرحت عباس شاہ
آواز: ندیم بخاری
Kabhi sehar to kabhi shaam le gaya mujh se
Kabhi sehar to kabhi shaam le gaya mujh se
Tumhara dard kayi kaam le gaya mujh se
Mujhe khabar na hui aur zamana jaate hue
Nazar bacha ke tera naam le gaya mujh se
Use zyada zarurat thi ghar basane ki
Woh aa ke mere dar-o-baam le gaya mujh se
Bhala kahan koi juz us ke milne wala tha
Bas ek jurrat-e-nakaam le gaya mujh se
Bas ek lamhe ke sach jhoot ke ewaz Farhatؔ
Tamaam umr ka ilzam le gaya mujh se