نیند میں کھلتے ہوئے خواب کی عریانی پر — آواز: ندیم بخاری | شاعر: دلاور علی آزر
مقرر / سپیکر
نیند میں کھلتے ہوئے خواب کی عریانی پر
نیند میں کھلتے ہوئے خواب کی عریانی پر
میں نے بوسہ دیا مہتاب کی پیشانی پر
اس قبیلے میں کوئی عشق سے واقف ہی نہیں
لوگ ہنستے ہیں مری چاک گریبانی پر
نظر آتی ہے تجھ ایسوں کو شباہت اپنی
میں نے تصویر بنائی تھی کبھی پانی پر
ہم فقیروں کو اسی خاک سے نسبت ہے بہت
ہم نہ بیٹھیں گے ترے تخت سلیمانی پر
اس سے کچھ خاص تعلق بھی نہیں ہے اپنا
میں پریشان ہوا جس کی پریشانی پر
پاس ہے لفظ کی حرمت کا وگرنہ آزرؔ
کوئی تمغہ تو نہیں ملتا غزل خوانی پر
شاعر: دلاور علی آزر
آواز: ندیم بخاری
Neend mein khulte hue khwab ki uriyaani par
Neend mein khulte hue khwab ki uriyaani par
Main ne bosa diya mahtaab ki peshani par
Is qabile mein koi ishq se waqif hi nahin
Log hanste hain meri chaak girebani par
Nazar aati hai tujh aison ko shabahat apni
Main ne tasveer banai thi kabhi paani par
Hum faqiron ko isi khaak se nisbat hai bahut
Hum na baithenge tere takht-e-sulaimani par
Is se kuch khas talluq bhi nahin hai apna
Main pareshan hua jis ki pareshani par
Paas hai lafz ki hurmat ka wagarna Azar
Koi tamgha to nahin milta ghazal-khwani par