آخری بار ملو — آواز: سید جینٹلمین | شاعر: مصطفی زیدی
مقرر / سپیکر
آخری بار ملو
آخری بار ملو ایسے کہ جلتے ہوئے دل
راکھ ہو جائیں کوئی اور تقاضہ نہ کریں
چاک وعدہ نہ سلے زخم تمنا نہ کھلے
سانس ہموار رہے شمع کی لو تک نہ ہلے
باتیں بس اتنی کہ لمحے انہیں آ کر گن جائیں
آنکھ اٹھائے کوئی امید تو آنکھیں چھن جائیں
اس ملاقات کا اس بار کوئی وہم نہیں
جس سے اک اور ملاقات کی صورت نکلے
اب نہ ہیجان و جنوں کا نہ حکایات کا وقت
اب نہ تجدید وفا کا نہ شکایات کا وقت
لٹ گئی شہر حوادث میں متاع الفاظ
اب جو کہنا ہے تو کیسے کوئی نوحہ کہیے
آج تک تم سے رگ جاں کے کئی رشتے تھے
کل سے جو ہوگا اسے کون سا رشتہ کہیے
پھر نہ دہکیں گے کبھی عارض و رخسار ملو
ماتمی ہیں دم رخصت در و دیوار ملو
پھر نہ ہم ہوں گے نہ اقرار نہ انکار ملو
آخری بار ملو
شاعر: مصطفی زیدی
آواز: سید جینٹلمین
Aakhri Baar Milo
Aakhri baar milo aise ke jalte hue dil
Raakh ho jaayen koi aur taqaza na karein
Chaak-e-wada na sile zakhm-e-tamanna na khule
Saans hamwaar rahe shama ki lau tak na hile
Baatein bas itni ke lamhe unhein aa kar gin jayen
Aankh uthaye koi umeed to aankhein chhan jayen
Is mulaqat ka is baar koi weham nahin
Jis se ek aur mulaqat ki soorat nikle
Ab na hejaan o junoon ka na hikayaat ka waqt
Ab na tajdeed-e-wafa ka na shikayaat ka waqt
Lut gayi shahar-e-hawadis mein mataa-e-alfaaz
Ab jo kehna hai to kaise koi nauha kahe
Aaj tak tum se rag-e-jaan ke kayi rishte the
Kal se jo hoga use kaun sa rishta kahe
Phir na dehkien ge kabhi aariz o rukhsar milo
Maatami hain dam-e-rukhsat dar o deewar milo
Phir na hum hon ge na iqraar na inkaar milo
Aakhri baar milo
مقرر کے بارے میں
Simplicity is a sign of faith and Silence is the best wisdom.
مکمل سوانح دیکھیں