دل کے لیے حیات کا پیغام بن گئیں — آواز: سید جینٹلمین | شاعر: باقی صدیقی
مقرر / سپیکر
دل کے لیے حیات کا پیغام بن گئیں
دل کے لیے حیات کا پیغام بن گئیں
بے تابیاں سمٹ کے ترا نام بن گئیں
کچھ لغزشوں سے کام جہاں کے سنور گئے
کچھ جرأتیں حیات پر الزام بن گئیں
ہر چند وہ نگاہیں ہمارے لیے نہ تھیں
پھر بھی حریف گردش ایام بن گئیں
آنے لگا حیات کو انجام کا خیال
جب آرزوئیں پھیل کے اک دام بن گئیں
کچھ کم نہیں جہاں سے جہاں کی مسرتیں
جب پاس آئیں دشمن آرام بن گئیں
باقیؔ جہاں کرے گا مری مے کشی پہ رشک
ان کی حسیں نگاہیں اگر جام بن گئیں
شاعر: باقی صدیقی
آواز: سید جینٹلمین
Dil ke liye hayāt kā paiġhām ban ga.īñ
Dil ke liye hayāt kā paiġhām ban ga.īñ
Be-tābiyāñ simaṭ ke terā nām ban ga.īñ
Kuchh laghzishoñ se kām jahāñ ke sañvar ga.e
Kuchh jur'ateñ hayāt par ilzām ban ga.īñ
Har chand vo nigāheñ hamāre liye na thiiñ
Phir bhī harīf-e-gardish-e-ayyām ban ga.īñ
Aane lagā hayāt ko anjām kā ḳhayāl
Jab ārzū.eñ phail ke ek dām ban ga.īñ
Kuchh kam nahīñ jahāñ se jahāñ kī masarrateñ
Jab paas aa.iiñ dushman-e-ārām ban ga.īñ
Baqī' jahāñ karegā mirī mai-kashī pe rashk
Un kī hasīñ nigāheñ agar jām ban ga.īñ
مقرر کے بارے میں
Simplicity is a sign of faith and Silence is the best wisdom.
مکمل سوانح دیکھیں