چمن میں رہنے دے کون آشیاں نہیں معلوم — آواز: ثنا سوئٹ | شاعر: حیدر علی آتش
مقرر / سپیکر
چمن میں رہنے دے کون آشیاں نہیں معلوم
چمن میں رہنے دے کون آشیاں نہیں معلوم
نہال کس کو کرے باغباں نہیں معلوم
مرے صنم کا کسی کو مکاں نہیں معلوم
خدا کا نام سنا ہے نشاں نہیں معلوم
اخیر ہو گئے غفلت میں دن جوانی کے
بہار عمر ہوئی کب خزاں نہیں معلوم
یہ اشتیاق شہادت میں محو تھا دم قتل
لگے ہیں زخم بدن پر کہاں نہیں معلوم
سنا جو ذکر الٰہی تو اس صنم نے کہا
عیاں کو جانتے ہیں ہم نہاں نہیں معلوم
کیا ہے کس نے طریق سلوک سے آگاہ
مرید کس کا ہے پیر مغاں نہیں معلوم
مری طرح تو نہیں اس کو عشق کا آزار
یہ زرد رہتی ہے کیوں زعفراں نہیں معلوم
جہان و کار جہاں سے ہوں بے خبر میں مست
زمیں کدھر ہے کہاں آسماں نہیں معلوم
سپرد کس کے مرے بعد ہو امانت عشق
اٹھائے کون یہ نار گراں نہیں معلوم
خموش ایسا ہوا ہوں میں کم دماغی سے
دہن میں ہے کہ نہیں ہے زباں نہیں معلوم
مری تمہاری محبت ہے شہرۂ آفاق
کسے حقیقت ماہ و کتاں نہیں معلوم
کس آئنے میں نہیں جلوہ گر تری تمثال
تجھے سمجھتے ہیں ہم این و آں نہیں معلوم
ملا تھا خضر کو کس طرح چشمۂ حیواں
ہمیں تو یار کا اپنے دہاں نہیں معلوم
کھلی ہے خانۂ صیاد میں ہماری آنکھ
قفس کو جانتے ہیں آشیاں نہیں معلوم
طریق عشق میں دیوانہ وار پھرتا ہوں
خبر گڑھے کی نہیں ہے کنواں نہیں معلوم
جو ہو تو شوق ہی ہو کوئے یار کا ہادی
کسی کو ورنہ سبیل جناں نہیں معلوم
دہن میں آپ کے البتہ ہم کو حجت ہے
کمر کا بھید جو پوچھوں میاں نہیں معلوم
نسیم صبح نے کیسا یہ اس کو بھڑکایا
ہنوز آتش گل کا دھواں نہیں معلوم
سنیں گے واقعہ اس کا زبان سوسن سے
شہید کس کا ہے یہ ارغواں نہیں معلوم
کنار آب چلے دور جام یا لب کشت
شکار ہووے بط مے کہاں نہیں معلوم
رسائی جس کی نہیں اے صنم در دل تک
یقیں ہے اس کو ترا آستاں نہیں معلوم
عجب نہیں ہے جو اہل سخن ہوں گوشہ نشیں
کسی دہن میں زباں کا مکاں نہیں معلوم
چھٹیں گے زیست کے پھندے سے کس دن اے آتشؔ
جنازہ ہوگا کب اپنا رواں نہیں معلوم
شاعر: حیدر علی آتش
آواز: ثنا سوئٹ
Chaman mein rehne de kaun aashiyan nahin maloom
Chaman mein rehne de kaun aashiyan nahin maloom
Nihaal kis ko kare baaghbaan nahin maloom
Mere sanam ka kisi ko makaan nahin maloom
Khuda ka naam suna hai nishan nahin maloom
Akhir ho gaye ghaflat mein din jawani ke
Bahar umr hui kab khizan nahin maloom
Yeh ishtiyaq-e shahadat mein mahv tha dam-e qatl
Lage hain zakhm badan par kahan nahin maloom
Suna jo zikr-e ilaahi to us sanam ne kaha
Ayan ko jaante hain hum nihan nahin maloom
Kiya hai kis ne tariq-e sulook se aagah
Mureed kis ka hai peer-e mughan nahin maloom
Meri tarah to nahin us ko ishq ka azar
Yeh zard rehti hai kyun za'faraan nahin maloom
Jahan o kar-e jahan se hoon be-khabar main mast
Zameen kidhar hai kahan aasman nahin maloom
Sipurd kis ke mere baad ho amanat-e ishq
Uthaye kaun yeh baar-e giran nahin maloom
Khamosh aisa hua hoon main kam-dimaghi se
Dahan mein hai ke nahin hai zaban nahin maloom
Meri tumhari muhabbat hai shohra-e afaq
Kise haqeeqat-e mah o katan nahin maloom
Kis aaine mein nahin jalwa-gar teri timsal
Tujhe samajhte hain hum ain o aan nahin maloom
Mila tha Khizr ko kis tarah chashma-e haiwaan
Hamein to yaar ka apne dahan nahin maloom
Khuli hai khana-e sayyad mein hamari aankh
Qafas ko jaante hain aashiyan nahin maloom
Tariq-e ishq mein deevana-waar phirta hoon
Khabar gaDhe ki nahin hai kunwaan nahin maloom
Jo ho to shauq hi ho koo-e yaar ka hadi
Kisi ko warna sabeel-e jinaan nahin maloom
Dahan mein aap ke albattah hum ko hujjat hai
Kamar ka bhed jo poochhoon miyan nahin maloom
Naseem-e subh ne kaisa yeh us ko bhaDkaya
Hanooz aatish-e gul ka dhuan nahin maloom
Sunein ge waqia us ka zaban-e sausan se
Shaheed kis ka hai yeh arghawan nahin maloom
Kinare aab chale daur-e jaam ya lab-e kusht
Shikar hue batt-e mai kahan nahin maloom
Rasai jis ki nahin aye sanam dar-e dil tak
Yaqeen hai us ko tera aastan nahin maloom
Ajab nahin hai jo ahl-e sukhan hon gosha-nasheen
Kisi dahan mein zaban ka makaan nahin maloom
Chhutein ge zeest ke phande se kis din aye Atishؔ
Janaza hoga kab apna rawan nahin maloom
مقرر کے بارے میں
تُو آسمانِ بخت کو چھوتی ہوئی سحر....! میں دشتِ حادثات میں غُربت کی شام
مکمل سوانح دیکھیں