زہراؔ نے بہت دن سے کچھ بھی نہیں لکھا ہے — آواز: ثنا سوئٹ | شاعر: زہرا نگاہ
مقرر / سپیکر
زہراؔ نے بہت دن سے کچھ بھی نہیں لکھا ہے
زہراؔ نے بہت دن سے کچھ بھی نہیں لکھا ہے
حالانکہ در ایں اثنا کیا کچھ نہیں دیکھا ہے
پر لکھے تو کیا لکھے؟ اور سوچے تو کیا سوچے؟
کچھ فکر بھی مبہم ہے کچھ ہاتھ لرزتا ہے
زہراؔ نے بہت دن سے کچھ بھی نہیں لکھا ہے!
دیوانی نہیں اتنی جو منہ میں ہو بک جائے
چپ شاہ کا روزہ بھی یوں ہی نہیں رکھا ہے
بوڑھی بھی نہیں اتنی اس طرح وہ تھک جائے
اب جان کے اس نے یہ انداز بنایا ہے
ہر چیز بھلاوے کے صندوق میں رکھ دی ہے
آسانی سے جینے کا اچھا یہ طریقہ ہے
زہراؔ نے بہت دن سے کچھ بھی نہیں لکھا ہے!
گھر بار، سمجھتی تھی، قلعہ ہے حفاظت کا
دیکھا کہ گرہستی بھی مٹی کا کھلونا ہے
مٹی ہو کہ پتھر ہو ہیرا ہو کہ موتی ہو
گھر بار کے مالک کا گھر بار پہ قبضہ ہے
احساس حکومت کے اظہار کا کیا کہنا!
انعام ہے مذہب کا جو ہاتھ میں کوڑا ہے
زہراؔ نے بہت دن سے کچھ بھی نہیں لکھا ہے!
دیوار پہ ٹانگا تھا فرمان رفاقت کا
کیا وقت کے دریا نے دیوار کو ڈھایا ہے
فرمان رفاقت کی تقدیس بس اتنی ہے
اک جنبش لب پر ہے، رشتہ جو ازل کا ہے
زہراؔ نے بہت دن سے کچھ بھی نہیں لکھا ہے!
دو بیٹوں کو کیا پالا ناداں یہ سمجھتی تھی
اس دولت دنیا کی مالک وہی تنہا ہے
پر وقت نے آئینہ کچھ ایسا دکھایا ہے
تصویر کا یہ پہلو اب سامنے آیا ہے
بڑھتے ہوئے بچوں پر کھلتی ہوئی دنیا ہے
کھلتی ہوئی دنیا کا ہر باب تماشہ ہے
ماں باپ کی صورت تو دیکھا ہوا نقشہ ہے
دیکھے ہوئے نقشے کا ہر رنگ پرانا ہے
زہراؔ نے بہت دن سے کچھ بھی نہیں لکھا ہے!
سوچا تھا بہن بھائی دریا ہیں محبت کے
دیکھا کہ کبھی دریا رستہ بھی بدلتا ہے
بھائی بھی گرفتار مجبوریٔ خدمت ہیں
بہنوں پہ بھی طاری ہے قسمت کا جو لکھا ہے
اک ماں ہے جو پیڑوں سے باتیں کیے جاتی ہے
کہنے کو ہیں دس بچے اور پھر بھی وہ تنہا ہے
زہراؔ نے بہت دن سے کچھ بھی نہیں لکھا ہے
شاعر: زہرا نگاہ
آواز: ثنا سوئٹ
Zehra ne bahut din se kuch bhi nahin likha hai
Zehra ne bahut din se kuch bhi nahin likha hai
Halanke dar-een-isna kya kuch nahin dekha hai
Par likhe toh kya likhe? Aur soche toh kya soche?
Kuch fikr bhi mubham hai kuch haath larazta hai
Zehra ne bahut din se kuch bhi nahin likha hai!
Deewani nahin itni jo munh mein ho bak jaaye
Chup shah ka roza bhi yoon hi nahin rakha hai
Boodhi bhi nahin itni is tarah woh thak jaaye
Ab jaan ke usne yeh andaaz banaya hai
Har cheez bhulaway ke sandooq mein rakh di hai
Aasani se jeene ka achha yeh tareeqa hai
Zehra ne bahut din se kuch bhi nahin likha hai!
Ghar baar, samajhti thi, qila hai hifazat ka
Dekha ke grihasti bhi mitti ka khilauna hai
Mitti ho ke patthar ho heera ho ke moti ho
Ghar baar ke maalik ka ghar baar pe qabza hai
Ehsaas-e-hukoomat ke izhaar ka kya kehna!
In'aam hai mazhab ka jo haath mein kooda hai
Zehra ne bahut din se kuch bhi nahin likha hai!
Deewar pe taanga tha farmaan-e-rafaqat ka
Kya waqt ke dariya ne deewar ko dhaya hai
Farmaan-e-rafaqat ki taqdees bas itni hai
Ik jumbish-e-lab par hai, rishta jo azal ka hai
Zehra ne bahut din se kuch bhi nahin likha hai!
Do beton ko kya paala nadaan yeh samajhti thi
Is daulat-e-duniya ki malik wohi tanha hai
Par waqt ne aaina kuch aisa dikhaya hai
Tasveer ka yeh pehlu ab saamne aaya hai
Badhte hue bachchon par khulti hui duniya hai
Khulti hui duniya ka har baab tamasha hai
Maa baap ki soorat toh dekha hua naqsha hai
Dekhe hue naqshe ka har rang puraana hai
Zehra ne bahut din se kuch bhi nahin likha hai!
Socha tha behan bhai dariya hain muhabbat ke
Dekha ke kabhi dariya raasta bhi badalta hai
Bhai bhi giraftar-e-majboori-e-khidmat hain
Behnon pe bhi taari hai qismat ka jo likha hai
Ik maa hai jo pedon se baatein kiye jaati hai
Kehne ko hain das bachche aur phir bhi woh tanha hai
Zehra ne bahut din se kuch bhi nahin likha hai
مقرر کے بارے میں
تُو آسمانِ بخت کو چھوتی ہوئی سحر....! میں دشتِ حادثات میں غُربت کی شام
مکمل سوانح دیکھیں