کیا روپ دوستی کا کیا رنگ دشمنی کا — آواز: افراسیاب | شاعر: مجید امجد
مقرر / سپیکر
کیا روپ دوستی کا کیا رنگ دشمنی کا
کیا روپ دوستی کا کیا رنگ دشمنی کا
کوئی نہیں جہاں میں کوئی نہیں کسی کا
اک تنکا آشیانہ اک راگنی اثاثہ
اک موسم بہاراں مہمان دو گھڑی کا
آخر کوئی کنارا اس سیل بے کراں کا
آخر کوئی مداوا اس درد زندگی کا
میری سیاہ شب نے اک عمر آرزو کی
لرزے کبھی افق پر تاگا سا روشنی کا
شاید ادھر سے گزرے پھر بھی ترا سفینہ
بیٹھا ہوا ہوں ساحل پر نے بہ لب کبھی کا
اس التفات پر ہوں لاکھ التفات قرباں
مجھ سے کبھی نہ پھیرا رخ تو نے بے رخی کا
اب میری زندگی میں آنسو ہیں اور نہ آہیں
لیکن یہ ایک میٹھا میٹھا سا روگ جی کا
او مسکراتے تارو او کھلکھلاتے پھولو
کوئی علاج میری آشفتہ خاطری کا
شاعر: مجید امجد
آواز: افراسیاب
Kya roop dosti ka kya rang dushmani ka
Kya roop dosti ka kya rang dushmani ka
Koi nahin jahan mein koi nahin kisi ka
Ek tinka aashiyana ek ragini asasa
Ek mausam-e-baharaan mehmaan do ghadi ka
Aakhir koi kinara is sail-e-be-karan ka
Aakhir koi madawa is dard-e-zindagi ka
Meri siyah shab ne ek umr aarzoo ki
Larze kabhi ufuq par taga sa roshni ka
Shayad udhar se guzre phir bhi tera safeena
Baitha hua hoon sahil par ne ba-lab kabhi ka
Is iltifat par hoon lakh iltifat qurban
Mujh se kabhi na phera rukh tu ne be-rukhi ka
Ab meri zindagi mein aansoo hain aur na aahein
Lekin ye ek meetha meetha sa rog ji ka
O muskurate taaro o khilkhilate phoolo
Koi ilaj meri aashufta-khatiri ka