اپنا ہر انداز آنکھوں کو تر و تازہ لگا — آواز: یادرفتگان | شاعر: زہرا نگاہ
مقرر / سپیکر
اپنا ہر انداز آنکھوں کو تر و تازہ لگا
اپنا ہر انداز آنکھوں کو تر و تازہ لگا
کتنے دن کے بعد مجھ کو آئینہ اچھا لگا
سارہ آرائش کا ساماں میز پر سوتا رہا
اور چہرہ جگمگاتا جاگتا ہنستا لگا
ملگجے کپڑوں پہ اس دن کس غضب کی آب تھی
سارے دن کا کام اس دن کس قدر ہلکا لگا
چال پر پھر سے نمایاں تھا دلآویزی کا زعم
جس کو واپس آتے آتے کس قدر عرصہ لگا
میں تو اپنے آپ کو اس دن بہت اچھی لگی
وہ جو تھک کر دیر سے آیا اسے کیسا لگا
شاعر: زہرا نگاہ
آواز: یادرفتگان
Apna har andaaz aankhon ko tar-o-taaza laga
Apna har andaaz aankhon ko tar-o-taaza laga
Kitne din ke baad mujh ko aaina achha laga
Saara aaraish ka samaan mez par sota raha
Aur chehra jagmagata jaagta hansta laga
Malguje kapdon pe us din kis ghazab ki aab thi
Saare din ka kaam us din kis qadar halka laga
Chaal par phir se numayan tha dil'aavezi ka za'm
Jis ko waapas aate aate kis qadar arsa laga
Main to apne aap ko us din bahut achhi lagi
Woh jo thak kar der se aaya use kaisa laga