نہ میڈے یاریں،نہ میڈے سکے بھرا کوں پتئے میں کیوں اداس آں — آواز: یادرفتگان | شاعر: پنجابی شعرا
مقرر / سپیکر
نہ میڈے یاریں،نہ میڈے سکے بھرا کوں پتئے میں کیوں اداس آں
نہ میڈے یاریں،نہ میڈے سکے بھرا کوں پتئے میں کیوں اداس آں
اے راز او اے جو صرف میڈے خدا کوں پتئے میں کیوں اداس آں
تساں تاں محفل دے راز دار او،میڈی محبت دے دعویدار او
تساں تاں آکھے تواڈا دل ہاں،تواکوں پتئے میں کیوں اداس آں؟
او جیہڑے ما دے جگر دے ٹکڑے ہن اج او قبریں کوں سینے لیندن
یتیم بالیں دا وینڑں سنڑدی ہوا کوں پتئے میں کیوں اداس آں
محبتیں ءچ عذاب ہوندن! مگر او دہلیز چھُٹ نی سگدی
او "شخص" کائے نی میڈی "دوا" اے! دوا کوں پتئے میں کیوں اداس آں
نجات ڈیونڑں خدا دا کم اے،خدا کریندے،خدا کریسی!
اساڈی نیت دعا دے وچ اے،دعا کوں پتئے میں کیوں اداس آں
میڈے جنازے کوں سر تے چیندے وی میڈا ڈکھڑا سمجھ نی سکدے
اے درد اوں پارسہ کوں پتئے یا ما کوں پتئے میں کیوں اداس آں
داود سید
شاعر: پنجابی شعرا
آواز: یادرفتگان
Na mede yaraan, na mede sakke bhara koun patte mein kyon udas aan
Na mede yaraan, na mede sakke bhara koun patte mein kyon udas aan
Ae raaz o ae jo sirf mede Khuda koun patte mein kyon udas aan
Tusaan tan mehfil de raaz daar o, medi mohabbat de daawedaar o
Tusaan tan aakhe tawada dil haan, tawakoun patte mein kyon udas aan?
O jehre maa de jigar de tukrre han aj o qabrain koun seene laindan
Yateem balan da wainarn sunrdi hawa koun patte mein kyon udas aan
Mohabbatein ich azab hundan! Magar o dehleez chhutt ni sagdi
O "shakhs" kaaye ni medi "dawa" ae! Dawa koun patte mein kyon udas aan
Najaat dewanrn Khuda da kam ae, Khuda krinde, Khuda kresi!
Asaddi neeyat dua de vich ae, dua koun patte mein kyon udas aan
Mede janaze koun sar te chainde vi mera dukhrra samajh ni sagde
Ae dard oun Parsa koun patte ya maa koun patte mein kyon udas aan
Dawood Syed