آدھی موت کا جنم — آواز: ایمان | شاعر: انجم سلیمی
مقرر / سپیکر
آدھی موت کا جنم
آدھی موت کا جنم
اپنے ادھورے وجود کے ساتھ
میں نے اپنی آدھی قبر ماں کی کوکھ میں بنائی
اور آدھی باپ کے دل میں
میں اپنی دونوں قبروں میں
تھوڑا تھوڑا جی رہا ہوں
تھوڑا تھوڑا مر رہا ہوں
مسیحا نے اپنے نسخے میں
میری تحلیل کی تجویز لکھی ہے
بابا نے میرے دوبارہ جنم کا مشورہ مانگا
اور ماں نے میرے بے نام کتبے کو آنسوؤں سے صاف کیا
تب
میرے ادھورے اور پورے جنم کا فیصلہ مجھ پر چھوڑ دیا گیا
دو قبروں میں بنے وجود کا تخمینہ لگاتے ہوئے
سوچتا ہوں
کیا کروں؟
مرنے کے لیے جی اٹھوں؟
یا جینے کے لیے ملتوی ہو جاؤں؟
پیارے رشتو!
میں ایک طرف دعاؤں کے کفن میں لپٹا پڑا ہوں
اور دوسری طرف
میرے سرہانے سورج مکھی کا پھول دھرا ہے
شاعر: انجم سلیمی
آواز: ایمان
Aadhi Maut ka Janam
Aadhi Maut ka Janam
Apne adhoore wajood ke saath
Main ne apni aadhi qabr maan ki kokh mein banayi
Aur aadhi baap ke dil mein
Main apni dono qabron mein
Thoda thoda jee raha hoon
Thoda thoda mar raha hoon
Maseeha ne apne nuskhe mein
Meri tahleel ki tajweez likhi hai
Baba ne mere dobara janam ka mashwara maanga
Aur maan ne mere be-naam kutbe ko aansuon se saaf kiya
Tab
Mere adhoore aur poore janam ka faisla mujh par chhod diya gaya
Do qabron mein bane wajood ka takhmeena lagate hue
Sochta hoon
Kya karoon?
Marne ke liye jee uthoon?
Ya jeene ke liye multawi ho jaaoon?
Pyaare rishto!
Main ek taraf duaon ke kafan mein lipta pada hoon
Aur doosri taraf
Mere sirhane suraj mukhi ka phool dhara hai
مقرر کے بارے میں
خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں
مکمل سوانح دیکھیں