ایمان — مقرر کی تصویر

دست پر خوں کو کف دست نگاراں سمجھے — آواز: ایمان | شاعر: مجروح سلطانپوری

مقرر / سپیکر

تعارف انتخابِ کلام

دست پر خوں کو کف دست نگاراں سمجھے

دست پر خوں کو کف دست نگاراں سمجھے
قتل گہہ تھی جسے ہم محفل یاراں سمجھے
کچھ بھی دامن میں نہیں خار ملامت کے سوا
اے جنوں ہم بھی کسے کوئے بہاراں سمجھے
ٹوٹے دھاگے ہی سے کرتے ہیں رفو چاک جگر
کون بے چارگیٔ سینہ فگاراں سمجھے
ہاں وہ بے درد تو بیگانہ ہی اچھا یارو
جو نہ توقیر غم درد گساراں سمجھے
خندہ زن اس پہ رہے حلقۂ زنجیر جنوں
جو نہ کچھ منزلت سلسلہ داراں سمجھے
آج سے ہم نے بھی زخموں کو تبسم جانا
رزم کو بزم گہہ لالہ عذاراں سمجھے
توڑ دیں ہم جو نہ تلوار تو کہیے مجروحؔ
تیغ زن کیا ہنر زخم شعاراں سمجھے

شاعر:

آواز:

Dast-e-pur-khoon ko kaf-e-dast-e-nigaran samjhe

Dast-e-pur-khoon ko kaf-e-dast-e-nigaran samjhe
Qatl-gah thi jise hum mehfil-e-yaran samjhe
Kuch bhi daman mein nahin khar-e-malamat ke siwa
Ae junoon, hum bhi kise koo-e-baharan samjhe
Toote dhage hi se karte hain rafoo chaak-e-jigar
Kaun becharagi-e-seena-figaran samjhe
Haan wo be-dard to begana hi achha yaro
Jo na tauqeer-e-gham-e-dard-gusaran samjhe
Khanda-zan us pe rahe halqa-e-zanjeer-e-junoon
Jo na kuch manzil'at-e-silsila-daran samjhe
Aaj se hum ne bhi zakhmon ko tabassum jaana
Razm ko bazm-gah-e-lala-uzaran samjhe
Tod dein hum jo na talwar to kahiye Majrooh
Tegh-zan kya hunar-e-zakhm-sha'aran samjhe

مقرر کے بارے میں

ایمان

خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں

مکمل سوانح دیکھیں

دیگر کلام